عذرك معك ياللي عن العين غايب
وأنا أدري انه لو هو بيدك ما غبت
الحظ خاب ودايم الحظ خايب
وإن خاب حظي معك معي إنت ما خبت
أنت المقرّب وأقرب من القرايب
بالحب همّ أجناب وإنته تقربت
لو شفت غيرك من طوال الذوايب
ما ذبت فيهم وأنت في طلّتك ذبت
يا طيبك بقلب بطاريك طايب
قلباً على عرشه عليت وتنصبت
على كثر ما مرني من مصايب
نسيتها والحين من بعدك إنصبت
رحلت عن عيني بليا سبايب
وأنا أحترق لاني ما حس أني أذنبت


متمرداً فالحب ما كنت هايب
واليوم من طوله بعادك تأدبت
مكبوت واجذب ما تجيب الهبايب
ولا قدرت أنسم ولا أسلم من الكبت
أنبتني بالحب وأنت السحايب
وما دام رحت وغبتمن يسقي النبت
من تاب عن ذنبه يخاف العقايب
يا مذنباً فيني تبي تموت ما تبت
إرجع ورجّع ذكريات الحبايب
ذكرى نراجعها من السبت للسبت
ولانته بمعذور إليا إبطيت غايب
وأنا أدري أنه لوك تحب ما غبت

بعض البشــــر يفهم على غير تلميح
يفهم ولا يحتاج منك الاشارة
.وبعض البشر بالفهم يحتاج تصريح
وتعيد له بالشرح تلقى المــــــــراره

ياعلي انا جيتك زبون..
.. جيتك على مدح اكثر الناس وعنيت
جيت وتعالى الله عمّا يشركون..
.. لولاه (ياعلي ) لطبك ما اهتديت
راضي بحكم الله علي مهما يكون..
.. عالج عيوني لو بعد طبك عميت
ودي اخاشر فالبصر من يبصرون..
.. واشوف دربي لا سرحت ولا ضويت
والى قنصت اثبت مع اللي يثبتون..
.. واشوف طيري كل ما اوميت ودعيت
ياااكثر ما يضرب خويي (الطابلون)..
.. من كثر ما اكلّته مطباات وكليت
وودي اشوف اللي علي يعرضون..
.. وبعض الليالي ودي اسري دون ليت
وااشوف ناس ٍ فالقفا ما يرحمون..
.. اما وقفت لصاحبي والا مشيت

اعـلّمك يا صاحبي ليه أنا جاي ؟

حسّيت (قلبك) يحتريني وجيته !!