. البارحه ونيت ونه على قاف
لين أصبحن ونات قلبي قوافي
ونت رضيعن فاقدن ضمت أكفاف
واللا يتيمن فوق الأشواك حافي
ليلن مضى مامر مثله بالاسلاف
عساه مايرجع وترجع عوافي
والله من همن على القلب طواف
والله من قلبن به الهم طافي
كلن يطوف بداخل الصدر ماشاف
دمن يصيبه من طوافه جفافي
نشفت عروق الدم من كل الأطراف
لادم مخلوطن ولا دم صافي
قلبي تحدى هموم وقته ولاخاف
واليوم أشوفه من فراقك يخافي
ياعادل الديره بلياك تنعاف
وينعاف ليلن فوقها كان ضافي
حتى صواديف الزمن صارت أحلاف
توعد لغزوي ثم تاتي وتافي
وضيعت أنا حروف الهجا ماعدا الكاف
يكفي كفى كافي من البعد كافي
لكن أبصبر واطلب الرب يرتاف
أثر الاوادم ماش حيل وضعافي
خاااااص عمار الخير
يلزم عليك تسجيل الدخول أولًا لكتابة تعليق.
اهلاويه وافتخر
•
الله يحفظ لنا كل عزيز وغالي والله لا يحرمنا من الناس اللي نحبهم
الصفحة الأخيرة