ابيات مختاره في الحب .. ارسليها لمن تحبين

1_انت حبك كنه الحكم السعودي
ثبته عبد العزيز ولاتغير
@
2_ماأبي الدنيا ابيك انت لأنك انت غير..
جيت بأحضانك طفل وأنت ابوي وسمني
@
3_الله يخليك لخفوقً عاش يتنفس هواك..
يمرر اسمك في عروقه والظلوع تناوله
@
4_روحك وقلبي لو بأحلل وثاقه..
مربوطةً في بعض هيّ وهوا
@
5_لاتأخر دام لي في العمر ساعه..
ولاتقدم لين اشوفك في إنتظاري
@
6_اعتقت دمعي والزعل والحزن لرضاك اعتقى..
واغفت عيوني في عيونك ياعساها ماتفيق
@
7_الحب شيٍ لو حصرته في ظلوعي ما أنحصر..
يطغى على حدب المحاني لين أبيح وأكتبه
@
8_تعال خذني من يدين الهم ووجيه العماس..
شوف العرب ضيقة صدر..ومشاهدك وسعة صدر
@
9_ادري ان الجاذبيه تسبب الإنسكاب..
وادري اني منسكب وادري ان ايديك كوب
@
10_هيتني وأذهب بي بعيد يامال الذهاب..
ضمني بأيديك بأجمد على صدرك وأروب
@
11_ياحبيبي..ليتني ماكنت احبك..!
لجل احبك..دبل..وأسوي سواتي
@
12_خلني جامد فبعدك ومنلاف لوف..
لجل لاشفتك أتناثر وله وأنطوي
@
13_كيف أتوبك ياأجمل ذنوبي وأوقف عند حدي..
وأنت ذنبٍ لاغفره الله ولالي عنه توبه
@
14_جايز أنك في غيابي تقلب الدنيا علي..
بس انا من قبل اعرفك قالب الدنيا عليك
@
15_احس بوجودي فيك يشبه وجودك بي..!
أليا غبت عن عيني بالأعماق دورتك
@
16_مو بس انا..
حتى الشجر في بيتنا
يبكيك،
ياللي غيابك هالسنه..
خلاني ادعي لي .. عليك..!
ياشيخ روح
روح الله ياخذني.. اليك
@
17_كتبك الله على كفي ثلاث خطوط مرسومه
عشان ان ماوفى دمي يصير الدود مساحه
@
18_تدري وش احلى شي في عالم الحب..؟
حب الغريب أليا التقى مع غريبه
@
19_هم يحسبون ان الهوى حرف وورق..
والهوى نوراً على الدنيا شريق
@
20_مشيت من شانك على كل ممنوع..
مدري هو جنون الحب ولا شجاعه؟!
@
21_في غيبتك كل الملا عندي اغراب..
لحدً ابي قربه ولاحدً يبيني
@
22_جنب قبره تراني حاجز لي محلي..
أدفنوني وغطوني بتالي ترابه
@
23_لاتنشدوني ليه احبه انشدوه..
حبه محببني سبب وداعته
من كثر ماحبه احب امه وابوه..
بالمختصر.. أحبهم جماعته
@
24_حبيبتي روحت يادمعي الوالم..
وياليت من يقضي لنفسي حوايجها
وياليت مابه فوارق بين هالعالم..
وان اللي اتحبها فـ الآخر.. أتزوجها
@
25_هذا وانا كتلة جمر يامتهمني بالبرود..!
ماباقي الا اعشقك تحت تهديد السلاح
@
26_شوفو لنا حاجه تغيب بالعقل غير السكار..!!
ودي انام ولاصحى الا بين ايدينها
@
27_عز الله اني يوم في البحر طبيت..
طلعت من عمقه بدره ثمينه
@
28_لاتسأليني امانه ليه انا جيتك..
في داخلي شي قال إنك وحشتيني
@
29_لا انت اخوي ولااخوي من الرضاعه..!!
وانا ماعاد اتحمل يسألوني
مانيب ناطر قليلين الشجاعه..
يذبحوني فيك ولايسجنوني
@
30_انا رجال مايؤمن بقول ان الزمن غلاب..
يغلبوني رجال..ولا الزمن يصير غلابي
عليك الله وامان الله وستره ياابيض الجلباب..
ترى مابي يبيك ولاتزعلني على مابي
@
31_جيت آمن من كمالي ولاعندي خلاف..
وجا يبرهن ان وجود الآمان من الخطر!
الطلوع من النزول أكده علم الجفاف..
يعني انا اطلع اليا صرت تنزل يالمطر
@
32_لاصرت صح ووقتك اغلاط بأغلاط..
ليه اتعذب به وتتعب وتشقى؟!
رح للقمر وافرش على سطحه ابساط..!!
وخل الحثال ان كان به خير يرقى
واختار من تعشق وتغليه بإفراط..
اللي على شانه ثرى الأرض يسقى
@
33_احبك كلمة ضاعت من شفاهي قبل لا القاك..
ويوم اني لقيتك..صار مابشفاهي إلا هي
إذا ماقلت لك في يوم احبك واعشقك وأهواك..
احس إني جحود لخالقي في نعمة شفاهي
واحبك جنبي هنيّا واحبك لوتروح هناك..
واحبك سيدي وقيدي والآمر الناهي
@
34_ماأبي الدنيا ابيك انت لأنك انت غير..
جيت بأحضانك طفل وأنت ابوي وسمني
شوف فوق وغن بأسمي على اللحن القصير..
وخصنيّ في كل لمحة غرام وعمني
@
35_ياحبيبي ياحظي المكتوب يا أغلى الأمنيات..
يا اجمل الصدفات اللي جات يالسهل العسير
ياصاحبي ياأغلى السنين المقبله والماضيات..
ياأعز واغلى من على الدنيا برجلينه يسير
@
36_دخيلك مر..
وخل الجالس بركن المقاهي
يريح احساسه .. من حكاية
كان وكان!
@
37_هذا وجهك في عيوني ..مارسمته لا وربي..!
واللي يصرخ في ظلوعي.. هذا صوتك ماهو قلبي
@
38_يمكن انا اكون اعز انسان بعيونك..
بس انت والله كل الناس بعيوني
لاصرت ربعي وداري فيّة جفونك..
وش دخل الناس خل الناس يجفوني
يكفيني ان انت لاقلت وشلونك
تطيب كل الجروح ويختلف لوني
@
39_المشكله ماهي وش كثر احبك..
المشكله وشلون احبك زياده؟!!
اخاف اولع فيك شوقي واشبك..
ويصير حرق الناس بالشوق عاده
@
40_تعال نزين الليله لذكرى ايام بتجينا..
يا أحنا نصير بالماضي .. يا أحنا نركب الصعب العنيد..
ونلحق الحاضر..!
بـ أصدق حلم يحملنا .. ويحملنا أمانينا..
تعال نزين الليله..
ابي أرجع طفل يتمتع بكل اليوم..
ويرمي أمسه ف أمسه..
ويترك باكر لباكر..
يا أحنا نعيشها لحظه..
يا أحنا نموت ماعشنا هالزمان بكل فرصاته..
ولا تبعدنا ليالينا..
لا.. لا.. لا .. !!
تعال نزين الليله ..
زهر.. جوري.. بريحان الرضا الوافي ..
بنعناع الكلام العذب..
يا أعذب حس ماينشاف..
تعبنا نضيع اللحظه ..
وتعبنا نخاف ..............
@
41_دايم تنسيني تفاصيل الوداع
ذاكرتي محزن ونظراتك سكر
وطي اهدابك وأعلني لي الأنصياع
في وقت الأثنى تسلب حقوق الذكر
@
42_من الوله.. ودي اشوف آخر هواك قبل اوله ..!



* للي اعجبته الأبيات .. انتظرو ابيات اخرى في العتب والفراق*