ابيعه والا ........... ؟؟! انتم عطوني الجواب

بسم الله الرحمن الرحيم

احلى منتدى واحلى ناس واحلى خدمة القاها في عالم حواء

الله يوفقكم جميعا ويسعدكم ويرزقكم من غير لاتحتسبون ...

بأبدأ بموضوعي ..

انا عندي خلطة زيت مسويتها لنفسي ..

بقولكم ليش سويتها ...

انا قصيت شعري قصييييييييير مرة تقريبا الي حد الاذن كوكتيل اناناس مع فرواله .. وكملتها بصبغة ..

تعرفون وشلون طلع شعري ليفه يعني خشن بزياده ..

تخيلوا شكله قصير وخشن...

طبعا اخذت تهزيئة محترمة من زوجي الغالي ...

وزعل علي ...

فوعدته اني اطوله ولا اقصه ....

وانا عند وعدي

الخلطه اللي انا سويتها .. والله من ثالث مره ..

تغير شعري صار ناااااااااااااااااااااااعم ..

الآن لي شهر من استخدمت الزيت ...

سألت زوجي قبل امس وش تغير فيني ...

والله العظيم وشوفوا حلفت بالله انه قال ( شعرك طايل )

الحين انا اسأله عن النعومه يقولي شعرك طايل ...

الحين شعري الى اكتافي ..

انا ادري انه طايل وانا مايهمني الطول كثر مايهمني النعومه والكثرة ...

بصراحه فكرت امس ..

قلت يابنت الناس فيه ناس مساكين متعقدين من شعورهم الخشنه ..

ليش ماتكسبين فيهم الاجر وتعطينهم من هالزيت وبالفعل قررت ..

وقلت لزوجي يجيب لي اغراض الخلطه بكميات كبيره عشان اسويها واوزعها ..

صدمني رد زوجي يوم قال وتحسبينهن رخيصات يوم انك تطلبين هالكميه ..

بصراحه تحطمت ..

تتوقعون لو اقوله ببيع عليهم وارجع لك راس المال بيوافق ...

ادري بتقولون وش عليك منه اشتري من مالك الخاص ..

اخاف يرفض مثل مارفض في البدايه ..

انا فكرت اني ابيع بس قلت مايسوى على هالزيت كل هالمشاوير ...

تتوقعون بيع هالزيت بجني منه ارباح ..

والا بس فترة ويروح كل شي ...

انا محتاره مادري وش اسوي ..

ابيعه والا ........... ماادري انتم عطوني الجواب ...




تحياتي