ابيكم بكلمة راس

السلام عليكم ورحمة الله وبركاته

بدخل بالموضوع على طول لاحظت كثير في اغلب المواضيع اللي هنا لما الوحده تكتب مشكلتها عشان تلاقي حل

الاقي بعض البنات الله يهديهم يردون رد غير لبق مع صاحبة المشكله وهذا الرد يخلي بعض البنات بدل مايردون على

صاحبة المشكله يردون على اللي ردت من قبل ويصير الموضوع بدل ماهو حل لمشكلتها ساحة معركة وتقعد ترد على

اللي قبلها انا ماقلت كذا وانا ماقصدي كذا

والله من جد حرام وعيب واسلوب غير حضاري ابدا نشوف بعض الردود اقتباسات للردود اللي قبل وتطلعون عن

الموضوع

وصدقوني انا مابي اتفلسف عليكم بس كل اللي ودي اقوله انو قبل لا تكتبين اي رد حاولي انك تكوني مهذبه في ردك

وترى الكلمه الطيبه صدقه والكلام اللي تكتبيه انتي محاسبه عليه وممكن تغلطي على ناس وانتي ماتدري وممكن

مايسامحوك او يدعو عليك والله ماتسوى بس حنا الحريم ماادري متى نعقل واللسان الطويل ماادري متى يبي يقصر

واي وحده تقول بعض الردود ترفع الضغط تقدري تردي بس باسلوب حلو وراقي من دون اي تجريح


واخر كلامي انو تتقبلوه بصدر رحب وتسامحوني بس ماكتبت هذا الموضوع الا اني عارفه انو فينا خير كثير والكلمه

الطيبه تأثر فينا خاصة اذا طلعت من قلب صادق

احبكم في الله