ابيكم تدعون لاختي لانها ماعادت اختي الي اعرفها

شامبو هيربل@shambo_hyrbl محررة ذهبية

23 أكتوبر 2010

يابنات فيه شي مضيق خلقي والله ماابي حل ابيكم تسمعوني مره هاالموضوع هزني من اعماقي لانه يخص اهلي خلوني اتكلم لكم عن امي امي ربتنا وانا صغار بعد ماتوفى ابوي اربع بنات وولد وامي حرمه مصليه مسميه ماشاء الله عليها عمرها ماتركت صلاة الضحى ولا التهجد ولا السنه ولا صيام الاثنين والخميس الا يوم مرضت بالسكر الله يشفيها وكل مسلم وتربيتها لنا الحمد الله تربيه صالحه كلنا تزوجنا بس اختي الكبيره والثالثه تطلقو من ازواجهم واختي الثالثه ربي رزقها بزوج ثاني وجابت بنوته اما اختي الكبيره يابنات هي راس السالفه تخيلو اختي هاذي عندها عيال وبنات وكلهم الحين كبار الله يخليهم لها هي ضفتهم بعد ماتطلقت وعاشت هي وعيالها في بيت لحالهم بس قبل لاتتطلق يابنات كانت وحده ثانيه اخت بمعنى الكلمه مع امي في كل شي تحب اخوانها زي ماتحب عيالها قايمه بأمي روحتنا وجيتنا سوا مقاضي يتنا وبيتها سوا بيتها مفتوح لنا اي وقت اذا جت لبيت اهلي قامت تدور تساعد وتنظف وتأمر الخدامات ولا تخبي عن امي شي وقبل لاتتطلق بكم شهر تغيرت والى الحين يابنات ماادري وش فيها ماعادت اختي الي نعرفها تخبي عن امي كل شي يخصها صار لها صديقات وصارت ماتجي لهلي الا قليل عزايم ماتروح الا نادر اقاربنا تقوم وتقعد سب فيهم امي صارت افكارها رجعيه عندها ومعقده ومتحجره وكذالك اخوي صار المعقد اختي الي تحتها علطول كانو مره قريبين من بعض صارت ماتبغها وتتهرب منها بيتها اهملته لاخر درجه جيت عندهم يومين والله ماسألتني تعشيتو انا وبناتها عيالها ماتقعد معهم بناتها في غرفتهم والاولاد كل واحد له حياته هي في غرفتها ولا طالعه ولدها الصغير مراهق والله ماتدري عنه ولا تراقبه ولا تهتم نام اكل ذاكر من صادق كل همها رايحه لصديقتها فلانه وتستقبل صديقتها فلانه .... دايم كلمتها لاتقولون لامي ان فلانه عندي او اني رحت لفلانه مع ان امي ماتدخل فيها ولا عليها منها تجي لبيت اهلي الحين ضيفه وترجع بيتها بدري عذرها فيني النوم ... مدري وشو الي غيرها او من الي غيرها اصلا اشك احيانا انها مسحوره استغفرالله ورافضه انها تقرا ء عند شيخ ويمكن يكون سحر مأكولاو مشروب واستغفر الله امي شاكه بوحده تقرب لنا لانها ساكنه بعيد وجتها زياره ومن بعد ماراحت انقلبت حياتها فوق تحت وتغيرت بس على خفيف شوي شوي الين تغيرت مره بشكل كلي .... والكل لاحظ انا واختي الثانيه الي تحتها وامي يوم جلست عندامي قامت تفضفض من الي تشوفه منها وامي الي مضيق صدرها يابنات تقول اول دايم اوصيها جيبي وجيبي الحين ماترفع السماعه علي وتسألني يمه تبين شي ولا يمه ناقصك شي امي حرمه كبيره وطايحه ماتقدر تروح تقضي اغراضها وانا مانقول لاتصادق كلنا عندنا صديقات بس مانفضلهم على اهلنا وبس هاذي السالفه حبيت افضفض عن الي داخلي ولقيت المنتدى متنفس لي واسفه على الاطاله

بنات والله زي ماقلت لكم مابي حل ولا ابي تجريح في الردود بس ابي منكم شي واحد تاخذون اجر عليه تدعون لاختي ان ربي يردها رد جميل لامها ويرجعها زي اول ام مهتمه لعيالها ومناظره اهلها وان ربي يبعد عنها بنات وعيال الحرام ويردها لصوابها

ابيكم تدعون لاختي لانها ماعادت اختي الي اعرفها

التعليقات

ما أهم الأمور التي تجعل الأبناء يشعرون بالأمان والقرب من آبائهم؟

بنات ابيكم تدعمونها 🤍🤍🤍

قُلــتُ اِبتَســِم 🥰💚🤍

تعالوا ابيكم تكفون

انا راسي من دوش ابيكم تساعدوني ؟!