ابيكم تساعدوني بالنظام الغذائي للحوامل

الاكثار من الفواكه والخضار وشرب الحليب واللحم المشوي مفيد
وشرب العصائر الطازجه والابتعاد عن الحلويات والنشويات والزيوت

موضوع رائع... ياريت اللي عنده افكار للأنظمه الغذائيه تقول .. انا وحده ابد ما اكل زين... بدخل السادس انشاالله وكل مالي انحف :( الله يعين بس
عندي سؤال ..احد سمع ان الباميه مو زينه للحامل؟؟؟

هلا فاكهة الربيع

شكرا على الموضوع :26: وفعلا تقسيم الأكل الى 6 وجبات قريت عنه في كل الكتب هنا...يعني مثلا أشياء كثيرة ممكن نسويها بس الكسل والطبع المتغلب علينا في العادات السيئة للأكل مرة مو مساعدنا

يعني حلو الصباح نفطر كورن فليكس او بران فليكس مع حليب قليل دسم وكاسة عصير برتقال

بعدها بساعتين ناخذ تفاحة وموزة وعنب ممكن

بعدها بساعتين او 3 الغدا..مكرونة أفضل من الرز..سلطة خضار..ودجاج او لحم ممكن نسوي صينية دجاج وخضار في الفرن وجنبها رز أبيض أو خبز بر تطلع رهيبة..حتى المحشي ممتاز لو استخدمن زبدة لو فات او قليلة دسم..غير الشوربات ممكن شوربة طبق كبير وجنبه ساندوتش دجاج وخس وخيار ونسخنه في الفرن ونحمر التوست يطلع طعم

على المغرب ممكن فشار نسويه في البيت بالزبدة المارجرين والفشار غني جدا بالزنك ومهم للبيبي يعني استمتعي بالفشار وكلي وانتي عارفة انه نافع البيبي باذن الله

العشا ممكن سلطة فواكه أو خبزة توست مع جبنة...

يعني أشياء كثيرة وأنا ولا شي أسويه مرة منسدة نفسي ولما أجوع آكل شيبي ولا حلويات..وحاسة اني مهملة أكلي بشكل..

والناس بس تخوفك ومن كثر ما خوفوني عن وزن البيبي صرت أقلل أكلي أخاف أتعب في الولادة..

الله يهدينا وينور بصيرتنا

sugar

عادي جدا وبالعافية عليكي :26: ولا سمعت انها مضرة ولاشي...


على فكرة يا بنات مو لازم الوحدة تبتعد تماما عن البيض الغير مستوي جيدا...لأنه يعرضك لبكتيريا السالامونيا لاقدر الله..زي بيض العيون الا اذا سويتيه مستوي جدا...لاتنسوا شي هام للغاية وراح عن بالنا وهو المايونيز..

لأنه من مكوناته البيض الني..فابتعدوا عنه تماما وكمان الشوكلت موس والكريمة اللي على الكيك أو القهوة..اي شي تحسي انه مصنوع من بيض ني

بانتظار مقترحاتكم :26:

يعطيكم العفية على الردود الحارة

وبصراحة كلامك صحيح يابشاير

موضوع رائع اختي الله يجزاك خير اما عن الانضمه ماعندي فكره مع اني حامل باول السادس واي شي قدامي اكل منه بس نفسي مسدوده بالمره ووزني ينقص كل شهر حتى الدكتوره تقولي اش معنا انتي اللي وزنك ينزل مع الحمل وباقي الحوامل يرتفع بس مالي الاالله وصفت لي حديد وكالسيوم وفيتامين وكل يوم اخد منهم بس اناخايفه الجنين يجي ضعيف وماعنده مناعه مع قلة الاكل واخاف زياده من هل حبوب لاتزيد الطين بله وتسبب مشاكل لي وللجنين والله يعين .والنظام اللي دكرتيه ياعزيزتي بشايرحلو بس الكسل والخمول مايخليني اعمله يادوب اعمل اي حاجه لعيالي وطيران على السرير عندي نوم الايام هدي غير طبيعي الله يستر وييسر ليه وكل حامل يااارب.