ابيكم تساعدوني عشان اساعد غير

السلام عليكم

بنات ارجوكم اولا انا ولله الحمد مصليه واحب ربي ورسوله واحب اساعد غيري وقلبي والله طيب الا درجة الغباء احيانن
بس مشكلتي الوحيده الاغاني
اسمع اغاني واقطع وارجع بعدين اسمع
مع اني مو مدمنه بس اللي يقهرني احيانن لا اراديا اغني لان اكون سامعه الاغنيه وتم عالقه في بالي
ولا جيت اقطع اختي تجيني اسمعي هالاغنيه بس هذي وكذا وارجع اسمع
ارجوكم ابي حل انا من اسبوع نويت ابي التزم بالصلاه واخلي ديني شغلي الشاغل توني ولله وعيت ع الحياه
وبعد اللي صار وقاعد يصير لفلسطين عرفت ان الدنيا مافيها امان
والله خاطري اصير داعيه وخاطري الله يحبني ومايحرمني من النظر الى وجهه الكريم فساعدوني


ثانيا بغيت اكتب في اوراق عن اهمية التستر واوزعها فالمجمع لاي بنت اشوفها
تكون عن اهمية لبس العبايه المحتشمه وعدم وضع المكياج وبغيت يكون الكلام بالعامي
لان هالايام البنات يتاثرون بالكلام العامي اكثرلان يملون لو كان بالعربي
فابيكم تساعدوني مثلا اذكرها بالموت واذكرها بالرسول وردت فعله والنار وكذا

واخيرا اتمنى تدعون لي بالهديه انا وزوجي وربي يجعل ولدي قائد لجيش مسلم ويرزقني بالذريه الصالحه اللي تنفع الامه الاسلاميه