ابيكم شوي

بسم الله الرحمن الرحيم
بدش بالموضوع على طول -وابي اخذ رايكم ودلوني شسوي
انا صارلي موقف بسيط ومااعرف ان كان له سبب بحالتي هاي اولا --انا مااشوف اي علاقة بينهم -ولكن مايندرى كل شئ جايز

انا كنت اجتماعية بالمعقول يعني جيران واهل وصديقات ووظيفة والحمد لله
من فترة صايرة اكره اقابل حد وبدون سبب احس بتوتر وتعب وخوف ومومرتاحة كلش --بداءت بخفيف وكل مالها تزيد لدرجة تركت الوظيفة -الله المستعان--طبعا مااقول لكم شنو وضعي باهلي بالبيت-وشنو يقولون-لكن انا مااقتنعت بكلامهم وانه قوي نفسك وحاولي ولاتفكرين وهالكلام ---بس انا بداخلي شئ يردني ويبعدني وكارهه الخروج كلش

هالحين ابي اي وحدة مرت بحالتي تقولي شنو سوت وكيف عالجت هالحالة والاهم شنو السبب اللي عجزت احدده
والله تعبت وامي حزنانة علي وعلى وضعي وما باليد حيلة
ادعوا لي ربي يحلل هالعقدة وارجع مثل ماكنت وترجع لي وظيفتي على خير

اللهم من ردت علي رد عنها كل اذى ومن رفعت موضوعي لو بدعوة ارفع شانها في عليين ومن دعت لي بظهر الغيب يامنون ملائكتك ويدعون لها ولك بالمثل