ابيك تحط بس ,, يدك بيدي

يدك هي مؤشر اولي لصفاتك << مدري وش اقصد فيها بس المهم ان اللي بيمسك يدك بيعرف انت مهتمه ولا لا اذا كانت ناعمه خشنه و بعضهم متقشره


فحبيت ابدء من بداية اليد يعني راح ابدء من الاظافر

الاظافر لها انواع كثيره وانت شوفي ايش نوع اظافرك وعالجيها لا تطنشين وتقولين محد شايفها لاا الأظافر اهم شي ولا حظي في فرق بين اظافر الانثى واظافر الذكر يعني اذا انت مضبطه شكلك وتاركه هالشي البسيط ماتسوى عليك

انواع الأظافر يلااا تمقلوا باظافركم :

* المتكسره : وهذي نتيجه لاستعمالك مزيل طلاء سيء نتج عن هالشي تكسر الاظافر بادنى حادث لو تمسكين لك شي تكسرت على طول

*الرقيقه : وهذي من استعمالك للمويه بشكل كثير يعني وانت تغسلين يدك تسرحين وتهوجسين وتفركين يدك في المويه لين تقول اعتقيني او في الشور كثير منا تلاحظ اول ماتطلع من الحمام بعد الشور تحس اظافرها رقيقه والبعض يجلس يلعب فيها يمين يسار

* الصفراء : وهذا مو كثير منا تلاحظه لان خاص بالاكثر عند الرجال بسبب التدخين ومرات يقلب للون الرمادي

* الجافه : هذي للي تستخدم الصابون بكثره وبدون حمايه او ترطيب اذا كنت من النوع اللي يغسل المواعين يوميا لا تنسين الجاونتي ورطبي يدك قبل لا تلبسيها لان اذا لبستيها ويدك جافه راح تكتم يدك وتطلع ريحه شنيعه منها

* العاديه : وهذي افضل وحده قويه ولامعه ومافيها تشققات

والبعض تجي خطوط بيضاء في اظافرهم هذا سببه نقص في الكالسيوم تعويضه في الحليب او الحبوب ( المكملات الغذائيه )


نتكلم الللحين عن الاشياء اللي نستخدمها وتعطينا النتيجه المطلوبه هالاشياء كل بيت مايخلى منها ومتواجده

الليمون :

المخلوق هذا اللي جعل فيها فوائد كثيره عدي واغلطي وعدي من جديد للشعر وللبشره وللاظافر وحتى للتخسيس الليمون قاهرهم كلهم

للأظافر هو مقوي ومبيض لليد بشكل عام ملعقه منه في مويه دافيه ونقعي يدك فيه
وشوفي النتيجه

الثوم :
هذي الطريقه ماجربتها بس كثير مدحوها للأظافر << اخاف تقعد الريحه فيها لكن قالوا انو مع الغسيل والتعطير تروح ماادري وطبعا هو يساعد في تطويل الاظافر


فيتامين A:
موجود بحالته الطبيعيه في البيض والحليب والكبد والكبد بالذات بروحه له فوائد للدم وللعظام واقل شي تاكلونه لو بالشهر مرره انصحكم فيه

ويوجد الفيتامين هذا على هيئة حبوب ( مكملات غذائيه ) :

* حبوب الخميره
* حبوب زيت سمك القد
* حبوب زيت كبد الحوت

الزنك ( هذي بعد استشاره طبيه ):

مفييييد جداااا مو بس للأظافر حتى للشعر


* وصفاتي المجربه لليد بياض ونعومه :

* الفكس : يجننننننن شويه عليه قبل النوم تدهني فيه وتلبسي قفازات طبيه وفي الصباح تلاقينها قطنه

* مغلي الليمون والبرتقال :

قشور الليمون والبرتقال تغليها بمويه لين يتغير لون المويه تحطيها بعلبة محلول او غسول طبعا بعد ماتنظفين العلبه وكل يوم تدعكين يدك منها في الليل والصباح ترطبينها لان الليمون والبرتقال يجفف اليد ويشدها بس نتيجتها مع الاستمرار روووعه

* الجلسويد مع الليمون وزيت اللوز: تخلطينهم سوا وتستعملينه مثل طريقة الفكس وافضل شي تستعملين هذي يوم واليوم اللي بعده الفكس يعني مره هذي ومره الثايه
عد مارتبنا الاظافر وطلعت مرتبه ولامعه .. واليد طلعت بعد الخلطات ناعمه << حسيت اني اكتب قصيده

اكيد راح اختمها بالوان صبغ الاظافر طبعا هالسنه والسنه اللي قبل يومين موهي قبل يومين خلصت المهم الالوان الدارجه كانت درجات البنك والبعض كان يفضل اللون الغامق

بس انا اقول كل وحده على حسب درجة بشرتها لان انا ومثلي كثير تكون لون يدها فاتحه نوعا ما ولما تحط اللون تقلب يدها غامقه فكل وحده ولونها المناسب
:27: