لسلام
تراني سمعت من الشيخ المطلق ان حتى التشقير حرام

اتبيعين جنه عرضها السماوات والارض .. ببضع شعرات من حاجبيك ؟؟

انا الحمدلله اشقرهم وارسمهم رسم بس( بالتشقير والصبغه السوداء او البني الغامق) والحمدلله من كثر ماهو خيال الكل يسألني انتي تشيلين او مشقره
يعين الشغله سهله بس يبيلها يد شاطره


انا لأن شعري اسود اصبغ حواجبي اولا بالصبغه السوداء او بني غامق لمده عشر او خمس دقايق بس لأن الحاجب يلقط اللون بسرعه وبالذات الاسود وطبعا يصير منظري يخرع بالبدايه
بس بعدين اجيب الميش ( البودره الزرقاء + البروكسيد ) واخلط كميه بحيث يكون الخليط مايل الى الثقيل وارسم رسمة الحواجب اللي اريد وطبعا بقطن الاذان

والحمدلله ماني بحاجة نمص ولا قص لأن الطريقه هذي اتحدى بها اكبر مشغل من جمال النتيجه
بس ارجع واقول لاازم يد شاطره بالرسم يعني اذا رسمة الحاجب مو مرتبه و مو متساويه تصير خراب بدل ماهي تضبيط


والله يهدي الى سواء السبيل
في امان الله

احسن شييييييييي التشقير
أنا سمعت بنفسي كذا شيخ ثقة أجازه
ومنهم الشيخ الفوزان بقناة المجد في برنامج الجواب الكافي
واحسن نوع اكسجين ( مشقر ) هو أوكسي OXY تلقينه بالصيدليات هذا مايخلي الشعر اصفر لا يخليه مايبين وكأنك فعلا شايله الشعر اتمنى يعجبكم
أنا من الكويت واشتريه من الصيدليات وسعرة 2.600 تقريبا 30 ريال وفيه 8 أكياس يعني للاستخدام 8 مرات
جربيه وقوليلي رايك فيه
ادعيلي اتزوج عن قريب وبالذرية الصالحه

اختي العزيزه .. راضيه عن نفسها

اعتقد في اسلوب ارقى من الكلام هذا .. وصدقيني اقدر ارد مثل ردج وزياده ماهو نقص مني لكن ادب فيني ماراح ارد بالطريقه هذي لاني ماحبيها ولا اظن راح تحبينها لو كلمتج فيها صح ؟

قبل لا تتهميني وتحطين 100 علامة تعجب طالعي ردودي عدل اوكى وطالعي ردود البنات عدل

لان انتي الظاهر اللي قمتي تخربطين على كيفج وهواج عارفه ليش!

راح اقولج ليش

اولا كونه عجبني راي الاخت ((alssabr))

اعتقد وجهة نظري وماتخصج وسألتيني ليش خصصت اقري اسلوبها في النصيحه وبتعرفين ليش وطالعي اسلوب الباقي وراح اتعرفين ليش

وفوق كل هذا راح عن بالج ان صاحبة الموضوع ماتبي تنمص حواجبها ولا احنا نامصين عشان تهجمين علينا بهالطريقه وتتهمينا انتي وباقي البنات!!!

امركم غريب .. هل احنا حللنا النمص مثلا عشان تقومون الارض وتقعدونها ويا اختي النصيحه بالحسنى لان اللي بتنمص راح تنمص وماراح تاخذ راي احد !

ولو ما خافت من الله ماراح تخاف من احد

ولو تكرمتي وسمحتي ما سمح لج تتهميني اني اشعل الفتنه ! لان انا والحمدلله مو من هالنوع واعتقد ان احسان الظن واجب عليج كمسلمه

والا انتي تاخذين من الدين اللي تبين وتلغين اللي تبين ( ياسبحان الله )

وركزي على كلامج عدل حبيبتي


والبنات ماسبوا ولا لعنوا ولاغلطوا على أحد أبدا ..قدموا النصيحه بكل ادب واحترام ومن غير مضاربات على حد قولك!!!!((والله انك عجيبه!!!!!!))

حضرتج داشه حاميه وبالعرض وماتدرين منو فينا قالت هالكلمه روحي شوفي رد الاخت سوسو الحنونه

فقبل لا تتهميني تأكدي من كلامج .. ياترى آنا الحين العجيبه برايج !!

وبعدين حبيبتي ليش تشملين الاخت وجود بكلامج

شنو قالت اهي بعد ؟

عشان قالت الدين معامله اتضايقتي !! شاللي ضايقج حبيبتي والا عشان انتي عرفتي ان مافي اسلوب معامله بالاساس بالموضوع كله

يعني جذي اظن عدانا العيب والا آنا غلطانه ؟

واحنا ماجينا نحرم والا نحلل ( لان الحلال بين والحرام بين )

وكلنا نفهم بالدين مو بس انتوا ... الله يهديكم بس

بخصوص النصيحه انا بوجه لج نصيحه بعد مو هذا كلامج !

مااااتبون تسمعون النصيحه لاتسألون...

انتي ماتعرفين ان من آداب النصيحه انها ماتكون عالعامه ! سواء انتي او اي بنت ولو وجهتيها على العامه من حق الانسان الثاني عليج انج تحترمينه والا ماترضينه على روحج لاترضينه على غيرج

وماقدر اضيف على كلامي الا ابيات الشعر هذي لعل وعسى توصل للجميع

تعمدني بنصحك في إنفرادي ... وجنبني النصيحة في الجماعة

فإن النصح بين الناس نوع ... من التوبيخ لا أرضى استماعه

وإن خالفتني وعصيت قولي ... فلا تجزع إذا لم تعط طاااعه


:)