ابي آرآئكم.. شسوي ؟؟ اصير سنعه ولا اطيع زوجي

السلام عليكم ياحلوين

الله يبارك لكم الباقي من رمظان
والله يتقبل صيامنا وقيامنا ويستجيب دعائنا

آمــــــــــين

انا يابنات .. انسانه عاديه .. ومسالمه .. ما احب المشاكل
اذا قعدت .. اكون ساكته .. ما اتكلم واسولف كثير
الا عند امي وخواتي الله يخليهم لي

المشكله تزوجت :35:

زوجي مثل طبعي .. ماله بالناس ومشاكلهم
وسبحان الله يقول حتى بالدوام ما اتكلم مع الموظفين والمراجعين

تقدرون تقولون رسميين شوي مع الاغراب

انا وبنت عمي تزوجنا اخوان بنفس الليله
هذا اول رمظان لي ببيت أهل زوجي

ويوم الجمعه ان شاء الله اخو زوجي بيسوي فطور

زوجته .. موجودة لكن فيها طبع غريب
ببيت اهل زوجها لو تشوف فاين طايح بالارض ماتشيله
وماتسوي ولا شي
حتى زوجها اذا يبي شاي او قهوة امه تسوي له ..
طبعا على عكسي أنا
اساعد باللي أقدر عليه

زوجي رفض ادخل المطبخ برمظان يقول خواتي والخدامه موجودة
واذا جا يوم الفطور نفس الشي ,, يقول اخوي هو الي مسوي الفطور وزوجته تقوم بالواجب

الي كاسر خاطري انها حامل بالشهر الخامس
وهي وين والطبخ وين

لكن زوجي مانعني يقول اذا زوجته تعبانه المطاعم واجد

ابي رايكم ..محتاااااااره