ابي أخطب ومتلخبط

اسعد الله اوقاتكم بكل خير ببدا الموضوع وبعرف عن نفسي أنا شاب عمري ٢٧ سنة موظف بجهة حكومية مهندس وراتبي الحمد لله يكفي والحمد لله اموري طيبة عندنا بيت العائلة وشقتي فوق جاهزة طبعا كشاب توه متوظف كنت مدخر مبلغ اثناء دراستي وشرية سيارة والحمد لله ما باقي الا خطوة الزواج كما هو معروف عندنا بسعودية وبالأخص قبيلتي المهور عالية يعني من ٦٠ إلى ٨٠ غير الشبكة ومصاريف العرس وشهر العسل يعني بيكلفك الزواج قرابة ٢٠٠ الف ريال والحمد لله البنك يعطيك المبلغ هاذا والقسط تقريبا ٣٧٠٠ يبقى من راتبي حول ١٠ الحمد لله تفتح بيت فا قررت اخذ الخطوة هاذي بحث عن بنت الحلال وبحكم أن أهلي ما يختطلون مع ناس كثير بحكم رغبة الوالد فيه صديقت اختي انسانه اجتمعة فيها نسبة كبيرة من الصفات الي طالبها. اهم شي عندي أن ابوها يكون رجال كريم وفاتح بيته واخواتها يرفعون الراس ٢ تكون متعلمة وناضجه فكريا ٣ على قدر من الجمال ونحيفة وصاحبت دين وهاذا الي طالب نصيحتكم فيه الدين. نرجع النقطه ذي بس نكمل اجتمعة الصفات هاذي في صديقة اختي ما عدا الجمال قالو لي مقبوله وليست جميلة قلت ما يهم أنا شخص برضو عندي عيوبي ماني بعد فارس أحلامها ممشوق القوام ورياضي عيبي الوحيد السمنه والحمد لله وسيم وطويل وسمنتي متوزعه بس مع ذلك أن شاء الله بنحف غير كذا ما اشوف فيني عيب عمري ما فكرة بالحرام ورجال عندي خوات واخاف من ربي وصديقة اختي تعرف كل شي عني بحكم المشاكل الي تصير فينا ودائم احلها بحكم اني اكبر واحد فا قلت لاهلي يكلمون البنت اذا توافق علي ولا بترفض اخو البنت الصغير مسجون للاسف ولد طائش المهم اخوها محكوم ٥ سنوات كان رد البنت ما اقدر افرح وأخوي مسجون وما تفكر بزواج الآن وهي جدا ملتزمه وصاحبت دين قلت مو مشكلة قولو لها اذا تبي مراح اعمل زواج واذا تبي بعد انتظرها ما عندي مشكلة ردت بحجة ثانية هو يصلي ولا ما يصلي لأن تبي شخص يعينها على الدين وهي تقول انها جدا مقتنعه بأخلاقي لاكن ذبحني ترددها مره ترفض ومره تقول من اي قبيله ومره تقول لا ومره تكلم اختي تقول شوفيه يصلي ولا لا أنا ما كذبت وتنرفزت وقلت تقولها اني ديني وسط اخاف من ربي واتصدق ومقصر بصلاتي مثلي مثل أي بشر والله يهديني ماني كاذب وبقول من البيت للمسجد ومن المسجد للبيت فا بعد ما سمعت الكلام ذا ردت وقالت لا بتزوج شخص يعنني على الدين أنا والله اعتبر متشدد عند اهلي بس مو زي كذا وش الي ما تسمع اغاني ولازم تصلي ياخي أنا لو اتزوجها هي حره تصلي ولا تضل ربي الي بيحاسبها. كل الي حولي يقلون اتركها بتسود عيشتك كل يوم صل الا ما صل أنا أصلي يالله لك الحمد بس أقصر واتكاسل ماني مقرر التزم وازهد بدنيا الا بعد ما اكبر عارف كلامي غلط بس هاذا أنا تعبت والله من تردد هل بنت وخايف تضيع مني لأن صعب تعرف بنت من يوم تولد آلى أن تتقدم لها بمجتمعنا المحافظ ولا ابي وحده متفتحه ابي وسط هل اترك بنت الناس هل هي الخيار الأمثل لي والله اني محتار لدرجة اني لو ما توافق خلاص طز بفكرة الزواج اذا هو معقد للدرجة هاذي البنت ارسلت لها رساله مع اختي اني شاريها واقدر ابوها وحاضر بالي تامر فيه ردها كان كلام اخوك جدا راقي وهذا الي كل بنت تبيه بس ابي شخص يعنني على الدين واعينه عليه يا ناس لهدرجة فيه ناس من ثقتها برب العالمين تضيع فرصت شخص شاريها وتعتقد أن الشخص المتدين بيكون كل شي أنا مستحيل اتطوع على شأنها لأنه شي بيني وبين ربي بس برضو مابيها ترفض ولو وافقت هل بعيش معها سعيد ولا فعلا تصحيني على الفجر قم صل يا حبيبي افرض تعبان افرض ماشين بسيارة وشغلت اغنيه حياتنا كلها اناشيد مو معقول أنا ابي وحده تخاف ربها بس مو كذا. اسف ادري اتعبتكم وفريت مخكم بالخبطه الي انا فيها بس والله خايف ادور غيرها واطيح لي في وحده ما تخاف الله لاني مقتنع بشي البنت الطيبه والي تشيل بيت وتجتمع فيها كل الصفات تتزوج شخص ما يخاف الله فيها والي يخاف الله ويحترم زوجته يطيح بوحده تكرهه عيشته ليش الزواج كذا ووش الحل هل استمر معها ولا اشيل فكرت الزواج من الاساس