ابي أدخل الفكره براس زوجي قبل وقوع الفاس بالراس

السلام عليكم 
بدخل بالموضوع على طول 
انا ساكنه مع أهل زوجي بشقه مستقله 
علاقتي فيهم رسميه 
المهم انا حامل الله يتمم على خير قربت أولد 
زوجي دايم يقول ان شاء الله ولدي بيكون معي اذا جيت اروح لم أهلي وبصير أخليه عندهم خاصه ان عمتي أم زوجي عندها بنت صغيره عمرها 8 اشهر يعني بيصيرون متقاربين بالأعمار وانا صراحه ماودي أفتح المجال لزوجي انه كلما نزل ينزله والا يخليه عندهم لسببين الأول اني أبي أربي ولدي على كيفي مايكون فيه كم واحد يربيه السبب الثاني ماودي أهل زوجي يتعودون على ان ولدي دائما عندهم عشان لو جاء يوم ومانزلته أخاف يقولون ليش مانزلتوه وانا صراحه ماودي ولدي يتعلق في أحد غيري انا وأبوه وش رايكم كيف أوصل المعلومه لزوجي بدون مشاكل وأخليه يحط هذا الشئ في باله من الحين .. اختي كان زوجها يودي ولدها دائما عند أهله وصار الولد متعلق فيهم ولا يبي أمه الا وقت النوم واذا قام يصيح لم يودونه تعلق فيهم مره .. وانا ماودي امر بنفس التجربه