ابي أسوي خير بس يمنعني

السلام عليكم


زوجي واه يازوجي
الحين رمضان والواحد يبي يسوي خير حتى لو بتمره
تحت شقيت محطه وعمالها عزاب وفطورهم تمر وعصير ورز
اول يوم رمضان صلحت دله قهوه وكم نوع من المعجنات ومكرونه قلت لزوجي نزله قال بعدين شوي ويجب ولد اخوي وأعطيه نزله رجعت الدله بعد 5 دقائق فأضيه فرحت
ثاني يوم جهزت آكل وقهوه دولتين وقلت لزوجي سحب علي وما نزل شي
يعني انا ما اصرف ولا أبذر فالمونه عشان يرفض بدال مأسوي 10 حبات من الإكله أدبلها وانزل نصها واحنا الحمد لله نأكل ويزيد
مادري ليش يرفض مثلا أمس صلحت شوربه بلحم مالمس شي منها حرام تنكب نزلتها لهم والله أقولكم طلعو مواعيني مغسله قال ولد اخوي يفرحون
لما يشوفوني جايب لهم شي وإذا يوم ماجا حد من عيال اخواني مانزل شي
اغلبهم هنود وبنغال ومصاريه ويمنيين احس ارحمهم لو بيدي كل يوم بنزل لهم
زوجي مب رافض اني انزل أكل رافض انه هو ينزله حتى الزبالة الله يكرمكم ماينزلها
اخلي بنتي تسحبها لبرا الشقة
كلمته بلطف وهدوء الواحد يسوي الخير حتى في أتفه الأشياء الواحد ما يدري اي عمل بيدخله الجنه
يا حبيبي ارحمو من في الارض يرحمكم من في السماء
بجنبنا في عمال يبنون مسجد كنت أرسل مع عيال اخواني مويه بارده وعصير الظهر وكيك او فطيره يفرحون قال ولد اخوي


مادري وش الحل معه وكيف أتصرف يعني أقول فنفسي هو مايبي يسوي شي بكيفه انا بسوي


حتى فالسوق مع اني ماطلع للعيدين اذا طلعت ريال للشحات يتنرفز يقول باستهزاء آنتي ام الخير
شرايك تعزمنينهم للعشاء ولا عطيهم 100 ريال أحسن ولا قضيلهم للعيد


ابلع غصتي وأسكت والله صابره وساكته أحس بيجي يوم وأموت من القهر منه ومن كلامه


جاني السكر والقولون منه وشكلي هيكل عضمي نزل نص وزني صارو اذا حد شافني خير وش فيك كذا