ابي ابتدي بمشروع ..وابي رايكم

اختي انا اشير عليكي بالمساهمه
والله رهيبه وارباحها هااااااااااااااااااائله

انتي ماعليكي الا تتعاقدين معاهم وهم يتداولون الاسهم وربحك يجيكي

35% فما فوق وانتي في بيتك

واذا تبين معلومات اكثر راسليني علئ الخاص:02:

moondark
حبيبتي الروضات عندنا على افا من يشيل من كثرهم
وبعدين يبيله راس مال قوي حق المبنى ولازم يكون مطابق لمعايير السلامه
وغير المدرسات والمربيات والاثاث يعني الصراحه وايد
على العموم مشكوره عيوني

##
المروقه
دزيت لج على الخاص

عندي لك اكثر من مشروع وكتبته لاكثر من عضوة في المنتدى:

(1) تحطي لك عامل يبيع لك بالونات مملؤه بالغاز وممكن يجيك طلب لعمل بالونات للحفلات .

(2) ممكن ماكينه الفشار( الذرة ) شغله سهله وتربح وما تكلف .

(3) حنايه هنديه في البيت تحني الناس.

(4) تحطي سياره تملئيها مستلزمات عائليه من ملابس وادوات مكتبيه وغيره وتلف على المنازل البعيده عن الاسواق.

(5) مشروع ماكينه تفقيس البيض احسبي تشتري ماكينه البيض وكرتون البيض الطازج ممكن 15 ريال وبعد ما تفرخ تبيعي الفرخ 3 ريال وعلى حسب كميه البيض ممكت 200 بيضه في الشهر 200*3= 600 ريال في الشهر.

(6) سياره تبيع الايس كريم او السندويتشات.

(7) عمل شاي وقهوة للاعراس والحفلات الخاصه.

(8) كاميرا وتحطي لك عامل يصور الناس والصورة عندنا في قطر 10 ريال شوفي الفيلم كم فيه وانت الكسبانه.

(9) عندي لكم فكره جديده وهي تجليد دفاتر تحضير الدروس وعمل حركات جميله على الاقلام . ممكن تاخذي الافكار من منتدى الاشغال اليدويه.

(10) عندي لك فكره جديده اذا انتي شاطره في عمل البيتي فور شي حلو.

(11) اذا انتي شاطره في الخياطه اعملي مخدات باشكال حلوه .

(12) عندي لك فكره حلوه للمواليد حنا عندنا في قطر مواليد الاطفال حديثي الولاده يسمون الثون ( ثوب العافيه) قيمته 5 ريال وهو عباره عن ثوب ابيض خفيف وعليه تطريز ناعم . مثلا اذا انتي اشتريتي متر القماش 5 ريال وخيطتي 5 ثياب 5*5=25 انتي الربحانه وبامكانك عمل غير الثوب حنا نسميه ( مهاد ) وهو عباره عن قطعه كبيره تلف على الطفل .

(13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير) .



هذه مجموعه مشاريع وغير مكلفه.

المروقه
ارسلي لي على الخاص المعلومات

وجزاك الله كل خير

شغلة الاسهم رااائعة


لاااكن


تحتاج دراية وخبرة وتفكير
قرارات سليمة....راس مال
مخ نظيف...تفرغ كامل


اما شغلة الاستثمار اللي تقول عنها الاخت مروقه فيجب الانتباه وعدم الدخول باي استثمار الابعد السؤال عن الشركات اللي راح يسثمرون فلوسك فيها
لان هناك صناديق تستثمر في البنوك والاسهم المشبوهه
انا كل اللي اعرفه وناوية اسال عنه صناديق الاستثمار في بنك الراجحي يقولون انها نظيفه من الربا الله يبعدنا عنه
وعندهم كذلك اسهم بالاقساط بس مابعد استفسر اكثر
اذا دخلت فيها بعلمكم ان شاءالله