ابي اترك الشغل ،، بس شلون اقنع زوجي

السلام عليكم ورحمة الله و بركاته

شلونكم بنات،، عندي مشكلة وابي نصيحه منكم
اول شي ابي اقولكم ،، اني ام لطفلين اعمارهم سنتين وشوي و الثاني 9 اشهر
و من فترة 8 شهور بديت اشتغل ،، بس ماني قادرة اوفق بين عملي ورعاية اولادي
غير اني عشان روح الشغل الصباح لازم اخليهم عند خالتي ام زوجي تمسكهم وما تقصر فيهم و لكن انا صرت استحي منها الى متى راح تمسكهم يعني و بعد تمسك اولاد بناتها اللي يشتغلوا
واسباب تركي للشغل كثيرة ضغوطات الشغل كثيرة وبدون ادنى تقدير و الراتب قليل ووقت الدوام طويل
ارجع البيت اعصابي فلتانه و منتهيه ،، وانواع العصبية على اولادي،، يعني بكرة اذا كبروا ودخلوا المدرسه ماعرف كيف راح اقابلهم و ادرسهم،، حتى ما صرت انزل عند خالتي و بناتها مثل قبل بسبب التعب و الارهاق و ضيقة الخلق وانا قبل كنت مبسطه عندهم سوالف وغيره ،، وهذي ااسبابي للعلم زوجي ما كان مقصر ماديا قبل لا اشتغل ولكن انا حبيت اشتغل و الحين ندمانه و زوجي مو راضي يخليني اترك الشغل لانه ارتاح ماديا شوي
بس انا خلاص عفت الشغل ،، بس كيف اقنعه :44: ساااااعدوني واعطوني رايكم بكل حكمه