ابي اتزوج عشان الناس

اهلين بنات

انا احب اقرى سوالفكم الاجتماعيه و اتألم معاكم

بس في موضوع يألمني وحبيت اخذ برايكم فيه

انا عمري 27 و بعد 3 شهور بكمل 28

حلوه كثير و اعرف هالشي ولله الحمد

نظرات الإعجاب واضحه و عروض زواج تجيني من زملاء الدراسه بالجامعه بشكل مستمر...

لكن عيبي وزني 86 و ابي انزله

والا الباقي تمام و من عايله زينه و اهلي الحمدلله بخير ونعمه و كل شي

لكن كلام الناس جنني

يتصلون على عمتي .. الحين ليش ما تزوجت ؟؟؟ مع انها جميله ؟؟ ما ادري وشو

طيب انتوا توكم تشوفوني يعني ؟؟

الناس يصيرون ينتبهون لي عقب ما يزوجون عيالهم

ما ادري الشيخ مره قال لي ان فيني نفس مدري ارياح

و انا اشوف بيني وبينكم احلام معينه بخصوص الجن و غيره و صرت اكره وقت النوم عشان احساس ان معاي احد بالغرفه حتى لو ما شفت شي

انا ما ابيكم تربطون بطريقتي اللي ربطت فيها لكن ما في تفسير ثاني

قبل امس ((الخميس))

وقسمن ان عمتي قامت تقرا علي وتحصني

كنا رايحين نزور وحده من قريباتنا و نص الموجودين اعرفهم من زمااااااان و مع كذا كنت على قولتها نجمة الحفل

يعني و تقول لي انها تستغرب ان الناس توهم يعرفون اني حلوه و اني مثقفه و اني واني واني

طبعا انتوا تعرفون ان الزواج عندنا يتم بناء على الشكل والعايله من الجماعه والا لا

ما في مقاييس ثانيه


ما ادري

ما ادري هل اوافق على الأشياء ال ((هيلق)) على قولتهم بالكويت ؟؟ عشان ارضي الناس

بابا يطالعني كأني مسكينه والا اشحذ!! ليش اني ما تزوجت و اختي اصغر مني متزوجه

طيب يا ناس انا مو زعلانه بس انتوا تحسسوني ان لازم اتضايق عشان برستيجي الاجتماعي!!

ما ادري جننوني

اخذت رقم خطابه عشان اكلمها بس مو متجرأه بصراحه

احس صعبه اعرض نفسي وانا ما فيني نص فتفوته تخليني اعرض نفسي

عيبي وزني صح واعرف ولا غير كذا ولله الحمد انا مثار حسد للجميع بشخصيتي وحريتي وحياتي و تفكيري وشكلي وكل شي


شالسالفه؟؟من جد صرت ما احب اروح مناسبات بسبب السؤال الأزلي

اختك الأصغر منك تزوجت قبلك هييييييييييييييييه ((شهقه)) بس انتي احلى و اجمل
الناس عميان
وين الناس
انا بزوجك على ايدي

و من هالكلام
طيب انا جايه المناسبه اروق

ليش تحسسوني كأني وحده جايه تشحذ منكم ... و يكسرون نفسي و اطلع متكدره


ترى هالموضوع مأثر نوعا ما علي ان انا حلوه و اشوف الذكور رغم اني منقبه يحاولون يتقربون مني و من الوالد

و في واحد من جماعتنا متزوج انهبل يوم قابلته عشان الشركه مرسليني دوره و هو المدرس

و كان هو من كم سنه مكلم عمي عشان يبون بيت عمه يخطبوني لولدهم بس لأسباب تضحك ما تم نصيب..
((اللي من كم سنه جدته اتصلت من راسها على عمتي وقالت لها عندكم بنات للزواج و عمتي عطتها رقمنا ورقم بيت عمي.. راحت اتفقت مع بيت عمي وبيت عمي ردوهم مدري ليش وانحرجوا يجوني مع انهم طالبين يتقدمون لي بالاسم))

المهم هذا المتزوج قعد يلمح ان خساره ولد عمه ما خذاني وان هو مستعد ياخذ وحده مثلي و مدري وشو

طبعا انا ما اكلمه و من هالخرابيط .. بس وقت الكلاس تعرف على اسم العايله و قام يتميلح ويقول لي ترضين بمتزوج و مدري وشو

غير اللي معاي بالجامعه
انواع الحب لبابا و يحبون راسه و يا عمي و مدري وشو
و ايميلات جس نبض و نبي القرب و مدري وشو ((طبعا انا قشرا بالجامعه ما اتكلم ولا شي احضر واطلع))

طولت عليكم بس مفقوعه مرارتي
انا ليش كذا وضعي

احسه غريب شوي

و اهلي مو مصدقيني ان يبيلي شيخ يقرأ

لأني فعلا تعبت من الأحلام اللي تنتهكني بقوه و ما ابي افسر اكثر من كذا