ابي اتزوج مو من حقي!!!

مساء الخير كيفكم جميعا..


اخواتي انا تطلقت مرتين
وماتوفقت
وعندي بنوته عمرها 12
انا عمري 39 سنة
ولا وظيفة ولاشي


ابوي متوفي من خمس،سنوات
وانا أرعى امي كبيرة وعندها زهايمر
وغصب،تمشي
عندي شغالة ولاعندي سواق مشاوير مااخرج بالشهر. الا يمكن مرتين
اخت وحده متزوجه تزورنا بالشهر مره وهي معانا نفس المدينة
واخواني كثير خمس متزوجين وواحد بيتزوح


طبعا من توفى ابوي وهم حاطين ببالهم انا المسئولة فقط عن امي حتى اذا بغيت اخرج والا اروح
يقولون وامي كيف تتركينها!!
امي حبيبتي اخدمها بعيوني لكن ليه حضرتهم شايلين ايديهم من كل شي


حاليا متقدم لي أرمل عن طريق صديقتي رفضت باابداية تصدقون استحيت قلت ماراح يوافقون اخواني ولا اقدر اترك امي
بالخير كلمتني اخته
قالت اخوي يجيب لك شقة جنب امك وهو كمان باقي عنده ولد وبنت مسئوليته
فتخلون هالشقة مثلا يومين بالاسبوع او بالنهار تعيشون فيها الين تتعدل الاوضاع وامك جنبك


بصراحه ناسبتني الفكرة
لكن اخاف ان قلتلهم ياخذون امي مني
وانا ماقدر اعيش من دونها لاني اعرفف ماراح ترتاح معاهم
ولا اثق يرعونها
كيف اقنعهم بالزواج اولا والله استحي
وثاني شي يخلون امي معاي
اروح شقتي بالاوقات اللي الاقي فيها وقت


اعطوني رايكم ومن مثلي وظروفي وتزوجت
ارجوكم ساعدوني