ابي اتطلق☹️💔

مساء الخير.
الله يسعد مسائكم.
انا ترددت كثير اكتب قصتي او لا بس تعبت من التفكير ابي احد ينصحني. انا متزوجه لي خمس سنوات وقربت ادخل السادسه.تزوجت وعمري17 والحين صار عمري23 بدون اطفال زوجي اكبر مني بكثير تزوجني وعمره47 كنت صغيره ماافهم شي وقت تزوجت تحملت مسواليه بيت وزوج وصبرت كثير عليه والا عمري قد شكيت ع اهلي منه.مابيننا تفاهم ابد ودايم كنت في مشاكل معه بس عادي صبرت عاد وقلت يمكن يتغير دايم مهملني ألبس واكشخ له والا كأنه يشوفني.. رحت المستشفيات وصرت أتعالج علشان الحمل وطلع عندي هرمون الحليب وتعالجت وحملت بعد يمكن سنه ونص من العلاج وطبعا وقت كنت اتعالج كان هو يرفض يسوي معي علاقه..معليش ع هذا الكلام بس والله كنت ابكي لين يصير هذا شي لاني أتعالج وأتعب واسوي اي شي علشان احمل.وحملت بس بحمل عنقودي والحمدلله ع كل حال. وبعدها يمكن ظليت ثلاث سنوات علشان ارجع احمل واستخدمت كل شي وآخر شي شريت عسل وحملت وكمان نفس الحمل الاول بعد جهد ومحاولات بس كمان أجهضت في بدايه الحمل. طبعا هو الدكتور قال له انه سليم بس عنده ضعف جنسي. مايتقرب مني كثيره الا بعد محاولات.طبعا تعبت وانا احاول معه وأغير فيه ماتغير والاشي ولما اكلمه عن موضوع الحمل يقول كل شي بيد الله. ونعم بالله بس كيف احمل وهو مايتقرب مني.وبعد ماصبرت هذي السنوات انا أفكر في الطلاق خلاص احس اني عفته موب قادره اصبر أكثر من كذا حاولت اسوي كل شي بس ماتغير. كلمت أهلي واهله وقلت لهم وكلموه وهو الحين يحاول يسوي اي شي علشان يرضيني بس موب قادره اكمل معه خلاص قلبي قفل منه.وقد كلمته اكثر من مره انه يطلقني ويشوف حياته بس مو راضي يقول انا احبك وابيك انتي ومابي غيرك.خلاص تعبت والله من التكفير انا ماابيه مو قادره عاد أعيش معه....أعطوني نصحيه وش اسوي اعرف انه كلامي ملخبط بس اتمنى تفهموني