ابي اتطلق

دام كانت عندك الرغبه من البدايه ليه ماتطلقتي قبل الاطفال انا ماشوف في سبب قوي ؟ عشان تشتتين اطفالكم بينكم يعني عشان الوظيفه دام هو يستاهل الصبر اصبري وشجعيه يدور وظيفه وانتي ارضي بقسمتك ونصيبك لان واضح ان حاطه في راسك صفات وحياه غير حياتك الحاليه !! وبالنسبه اذا يجلس لحاله ترا الرجل رح يتزوج غيرك حتى لو مامعه فلوس رح يدبر نفسه ورح يساعدونه ولا رح يفكر فيك حكمتي عليه ان بيجلس وحيد يبكي ع الاطلال!! اتعوذي من الشيطان فكري بعيالك وانهم محتاجينكم الاثنين والله يسعدكم فيه حلول كثيره غير الطلاق اذا شلتي الطلاق من راسك عرفتي تعيشين لكن والله راح تندمين لو تطلقتي مافي زي البيت والاستقرار للوحده والاطفال فكري انك بتشيلين حمل اكثرر بكثير خليك عنده معززه مكرمه م اذاك بشي من كلامك واضح انه عاقل لكن كسول شجعيه

أبغض الحلال الى الله الطلاق

ايما امرأة طلبت الطلاق من غيرما بأس حرام عليها رائحة الجنة-يعني بدون عذر شرعي

أطفالك ياقلبي تعب قلبك تفرطين فيهم كذا تخلينهم له ويتزوج وحده من ثنتين
تربيهم وتكسب ودهم ويصيرون لها عيال وهي لاحملت ولا ولدت ويكبرون هم شايلين عليك لأنك جبتيهم وتركتيهم ولا وحده ماتخاف ربي وتفرط فيهم والله اعلم وش ممكن تسوي واذا فات الفوت مابينفعك لا ندم ولا غيره

يعني وش متوقعه مننا نقول لك ؟
هذا قرار شخصي انتي اللي راح تتحملين كامل النتائج المترتبه عليه حلوها ومرها
وثقي تمام الثقه ان الطلاق ماراح يكون الحل السحري لمشاكلك
وحتى تفكيرك بالطلاق تحت تأثير مشاعر ملخبطه وغضب وتشويش ذهني وخوف نهايته قرار غلط تندمين عليه بعدين لما تعيشين الحقيقه في بيت اهلك بغرفه انتي واطفالك بلا هدف ولا خصوصيه ولا استقرار نفسي خاصة الاطفال
وبدال كل هذي الافكار السوداويه ابحثي عن حلول وافكار اخرى تحسن وضعك وعلى رأسها البحث عن وظيفه انتي وزوجك
وابحثي عن اخصائيين واستشاريين تسألينهم عن وضع زوجك عشان يشورون عليك كيف تتعاملين معاه في هذا الوضع النفسي عشان يطلع من قوقعته ويتوظف
لو كان الطلاق حل كان الكل تطلقو
للاسف اللي مثل وضعك تكون تبي تهرب من الوضع لا اكثر ماتدري انها بتعيش اسوء منه وهي عاطله
الله يعينك ويرشدك للصواب

يعني تزوجتيه وهو بلا وظيفة ولا شلون
اذا تزوجتيه وهو بلا وظيفة فبصراحة انتي الملومة
ودام جبتي اطفال خلاص تحملي نتيجة قرارك بالزواج من شخص ما عنده وظيفة
واذا على العصبية ترى كلهم يعصبون
ولا تفكرين تجيبين اطفال الحين مهما كنتي مشتاقة
بالاول حسني وضعك معاه
وادعي ان الله يرزقكم بالمال والوظيفة
ودايما رددي لاحول ولا قوة الا بالله تراها كنز وتغير الاحوال الى الاحسن بحول الله وقوته

سوالي لك هل اذا تطلقتي بتعيشين حياه افضل ويكون عندك فلوس ويتغير وضعك ؟؟؟

نصيحه اذا تطلقتي خذي اطفالك معاك حرام تخلينهم عنده مستحيل احد ياخذ دور الام مهما كان بيجيهم سوء تغذيه ويصيرون زي الايتام
اليتيم يتيم الام
فارجومنك اذا تطلقتي تطلقي منه بالتراضي بينكم واشرحي له الاسباب خذي عيالك معك سجليهم معاك في الجهات الحكوميه بصك الحضانه حتى يصير عندك احقيه و دخل كويس تعيشون منه بما انه مشكلتك مع زوجك الماده والوظيفه