ابي اتطلق شوروا علي

السلام عليكم ورحمه الله وبركاته


بنات انا مفكره اطلب الطلاق من زوجي من فتره وكنت اتعوذ من الشيطان واقول صبري يابنت يمكن الحال يعتدل

من يومين رحت السعوديه معاه انا وبنت خالتي ونزلنا ناخذ اغراض ع اساس بنلتقى معاه عند المطعم المهم رحنا

نخلص مشوارنا ماشوف الا ذاك اللي داش المحل معصب علي :06: ماقلت له شيء وطلع خذنا اللى نبي

وهو كان واقف برع المحل تخيلوا جاني جدام الكل يصارخ علي انتي عنزه ماتفهمين ؟؟؟؟؟؟؟؟؟؟؟؟؟؟؟؟؟؟؟؟


يقول صار له ساعه الاربع يدور علينا :mad: بنات احنا يوم وصلنا المحل باقي ع اذان الظهر ربع ساعه

وخلصنا مشوارنا قبل ما ياذن ماعجبني كلامه وسكت عنه كل شيء اسكت عنه الا انه مايحترمني جدام الكل

وينزل قدري جدامهم رجعنا البحرين وخذت اغراضي وكلمت اختي ومرت علي وقلت له لين جات ام العنزه تفاهم

معاها بعدها بيومين حذفني من البلاك بيري وعقب اتصل يتطمن علي ؟؟؟ ماعرف شلون يفكر هالانسان


المهم اتصل يقولي تبين نتفاهم رجعي البيت وبنتفاهم قلت له ماراح ارجع ولازم انت وابوك تتفاهمون مع امي


المهم امس ابوه تفاهم مع امي ابوه يصير خالي وقال انه مايدري عن سوالف ولده وانه راح ايبه يعتذر لي

بعدها بساعتين ولده يا يعتذر مني تخيلوا بنات يقول صار له ساعه يدور علينا واحنا من وصلنا ماكملنا ربع ساعه

قلت له انت جذاب قال يمكن صار لي نص ساعه ادور عليكم وعقبها يقول انا اروح بيت خالتي كل جمعه

وهناك يشوشوني عليج بس انا ماسمع لهم هني يابنات :06: طاح من عيني ماله شخصيه كلش

وبعد الاعتذرات اللى ثلاث ارباعها جذب في جذب قلت له بفكر وبستخير ربي وبرد عليكم اذا برجع او لا


المهم يابنات انا اذا ع المشاكل اللى تصير بينا يمكن تنحل ويمكن ارضى بس انا يابنات افكر في العيال

زوجي عنده مشاكل ف الانجاب وله سنه ونص يعالج مافي تطور بحالته وهذا اللى مخليني من فتره افكر

بالطلاق يابنات انا ابي عيال اشيلهم واضمهم تعبانه ابي اشيل عيالي وغير جذيه زوجي مومهتم فيني ولا يغار

علي وهذا غير خياناته لي مومرتاحه في بيتهم ماخذ راحتي ف بيتهم احس كل هالاشياء مخليتني موقادره ابي الطلاق

ادري الطلاق شيء موسهل بس يابنات لاصرت متزوجه وماني حاسه بالراحه معاه ولا حاسه اني مهمه عنده

فليش اضيع عمري معاه يابنات والله تعبانه الكلمه الحلوه مااسمعها كلش ودي اشوف واحس بهتمامه فيني

يعني حتى يوم يا يعتذر ماحسيت انه صادق واغلب كلامه كله جذب

محتاره موعارفه شسوي صليت استخاره وماعرف شسوي بيتنا يقولون استخيري ولاتضغطين ع روحج

انا افكر ف العيال :06: وافكر موهالانسان اللى ابيه يكون ابو عيالي جذاب وخاين ومايهتم ولا يسال عني

ابي يابنات رايكم هل انا معاي حق بطلبي للطلاق والله محتاره ؟؟؟؟؟؟؟؟

دعواتكم لي تتيسر اموري موعارفه ضايعه