اطلقي و افكتي ولاتشيلي هم اهلك مردهم بيسكتون .. حطيهم امام الامر الواقع ..

هذي شخصيته وما راح تتغير وأحسن لك انك تطلقتي قبل الزواج

آاااااااخ بس آخ قلبتي فيني المواجع وانا اختك وربي نفس حالتي وقصتي نفسها نفسها
أنا قبل لا أعترف له إني ما ابغاه اهلي كانوا مترددين ياخذوني عند شيخ بس إرادة ربي مارحت والحمممممدلله إني مارحت لورحت كنت بصير نفسك كذا ويقولوا لي أسباب تافهة هذا لو طلع فيني شي
لكن لو ماطلع فيني شي وهنا المصيبة كانوا حايعالجوني ومستحييييل يرضوا بالفسخ
بس اللي سكتهم وما خلاهم يصروا على الشيخ هو اني هدأت شوي وهدوئي هذا كان قراري المصيري اللي اتخذته بدون قصد وقناعتي التاااامة برفضي له يعني زي ماتقولي كذا عرفت راسي من رجلي عشان كذا هدأت لكن قبل كنت زي المرجوجة بس ابكي واصرخ ومتضايقة حدي ومني عارفة ايش اسوي ومحد كان يحس ورحمة ربي ما أخذوني لشيخ بل هي حكمة من ربي قبل لا تكون رحمة
وللعلم ترا كان يتباهى بالبنات اللي كانوا يبغوا يخطبوا له قبل لا ياخذني وجلس يتغزل ويمدح في وحده فيهم بالتفصيييل الملل على انها مطوعة ودارسة تحفيظ وعابتها فوق راسها وصغيره بنت 24 سنة ووووووو مع إنه يوم خيروه بيني وبينها اختارني أنا .. سبحان الله
المهم صار وقلت له ما ابغاك وبعد نقاش بسيط كنا هادئين وانفصلنا بهدوء لكن بعد ما أهله عرفوا انفجرت الدنيا وطبعاً لانه هومغرور ومعجب بنفسه مرا حط العيب في أنا مرا يقول انت اصلا كبيرة في السن وتحمدي ربك اني اخذتك كإنه يحسسني بالصدقة بزواجه مني مع انه اختارني ومحد جبره علي
والمصيبة والطااااااااااااااااااااااااااااااااااااااااااااااامة الكبرى ايش ؟؟؟
لمن قلت له مافي نصيب بيننا ومني مرتاحة والله يوفقك تخيلي سألني سؤالين كشفوا لي عن وساخته وسوء أخلاقه
قالي ليش ماتبغيني يعني إنت عاملة في نفسك شي ؟؟ قصده إني ماني بنت!!
والسؤال الثاني قالي في أحد في حياتك ؟؟
أعوذ بالله هذه أخلاق اللي يتتبع عورات الناس ويتكلم في أخلاقهم يشوف الناس كلها غلط ويعيب في البنات من أتفه شي هذا وهو ملتزم ومطوع .. أنا قلتها بنات خالته ماسلموا منه عاد كيف اللي ترفضه!
غروره وصل فيه لدرجة إن اللي ترفضه العيب فيها
المشكله بداية كلامي معاه وبعد ما سألني هذول السؤالين تركنا بعض بهدوء وكإننا أصدقاء واتفقنا أنا وهو إنه مايصارح أهلي برفضي له وإنه يجيب عذر ثاني من عنده ننهي فيه الموضوع لأن أهلي ماعندهم يما ارحميني ويروحوا فيها ويبهدلوني
لكن أهله ماتقبلوا الكلام هذا وأصروا إنه يصارح أبوي بكل كلمة قلتها له من باب ( خلهم يعرفوا فضايح بنتهم ولا تستر عليها )وبالفعل فاجئني من ورايا وراح وقال لأبوي كل شي وكانت صدمه
ومن حقارته قال لأمي بوجهها بنتك تعرف واحد ثاني خليه يجمع له قرشين ويتزوجها وأنا أشك إن أهله عبوا براسه هذا الكلام لأن يوم اتفقنا عالإنفصال كان في قمة الهدوء والأدب
.. وامي انهارت بكي من كلامه هذا على التليفون وقتها لأنها كانت تبغى تقنعه يجي ونتناقش لكنه رفض
وأهلي قالوا لي راجعيه وصلحي غلطتك وكلميه وللأسف ذليت نفسي له وكلمته أشحته وأنا ما ابغاه بس عشان أهلي يرضوا عني ورفض يرجع وأصر على الفسخ
وقالت له نوديها عند شيخ لأنها هي أصلاً تعاني من عين قويه وقالت له الشيخ يكون الحكم بيننا
إذا طلع فيها عين يعني مالك حق تفسخ ولازم تصبر عليها تتعالج أما إذا مافيها شي معناه بنتنا الغلطانة وانت مايعيبك شي
بس الاخ ررررررفض شافها حجج كاذبة مننا عشان نغطي عالموضوع وأصرّ عالفسخ
وتركنا بعض وهو متأكد إني أعرف واحد ثاني لكن حسبي الله عليه
هنا جائت رحة ربي وستره الكبير علي
أهلي أصروا يودوني عند شيخ لأنهم يبغوا يعرفوا والحمدلله الشيخ أظهر برائتي وقال إني مصابه بسحر العاشق والسحر فيني قوي مرة ويبغى له علاج قوي ووقتها بدأت رحلة العلاج لسنوات
كلام الشيخ سترني أمام أهلي واقتنعوا إن رفضي له صح لكن برضوا زعلانين لأني ماراجعتهم بالبداية وللحين أهلي وكل جيراني وأقاربي يعاتبوني لأني فاجئته بالرفض بدون علم أهلي
عشان كذا سألتك بداية الموضوع راجعتي أهلك ولا لأ ؟؟؟
أعذريني أخذت الجو كله في موضوعك لكن والله إن الموضوع هذا كابت بقلبي سنوات وهذه أول مرة أفضفض فيها
الله يوفقك ولاتشيلي هم أحد أهم شي راحتك وهذه حياتك أنت
ربي يسعدك يارب

انا اشوف فترة الملكه مو مقياس للشخص يعني بعضهم يكون كلامه زين ويبين انه يحبك او يسوي نفسه مثالي او يطاوعك في كلامك و اذا تزوجتيه وعاشرتيه تحصلين شخص ثاااني تماما العشره غيرررررر الملكه بس واضح انك ماحبتيه او ماتقبلتيه ومدامك قررتي تنفصلون ومرتاحه وهذا اهم شي فربي يوفقك ويعوضك باحسن منه واهلك طبيعي بيتضايقون بس فتره وينسون


وبسىلك هل حاولتي تبينن ان يضايقك انه يتكلم في الناس او بعض الاشياء اللي ماحبيتيها فيه قلتيله عنها

حورية بلادي ,,هل فعلا كان عندك مس عاشق ولا الشيخ ربي خلاه ينطقها