ابي اتطلق من زوجي اللي مافي قلبه رحمه.....

السلام عليكم ورحمة الله وبركاته...
كيفكم اخواتي ان شاء الله بخير....
آممم الصراحه ماادري من وين ابتدي 
اناا متزوجه من سنتين ولله الحمد ماعندي اطفال عمري20 سنه طبعا اول ماانخطبت زوجي كان يموت فيني ويدلعني و كل اللي ابيه يسويه واناا اصلا طيبه ولا لي بالمشاكل ولا شي المهم بعد فترة من الخطوبه صار يصارخ علي و يمد يده و ماادري ايش واناا اتحمل واسكت وبعدين تطور الامر و صار عادي يمد يده و عادي يسمعني كلام و ألفاظ غير لائقه وطبعا كلمت اهلي وابوي كلمه و قال له اذا بتمد يدك على بنتي مرة ثآنيه بتشوف شي عمرك ماشفته و من ذا الكلام صار فترة مايهيني ولا يضربني و رجع يمد يده المهم تزوجناا و في بداية الأيام يدلعني
ويوديني و يجيبني و يصارخ على اتفه الاسباب ويضرب و اناا اتحمل وكل مرة يقول لي مو عاجبك عندك بيت ابوك و من ذا الكلام المهم قبل كذا وداني بيت ابوي و جلست كم يوم ولا دق ولا شي
ولا سئل المهم بعدها تعدلت الاوضاع و صار آوكيه و رجع اخترب وطبعا 
بختصر لكم عشاني مو قادرة اكتب المهم ذآك الاسبوع ضربني وخنقني من 
رقبتي و قال لي تبي اوديك بيت ابوك شيلي اغراضك وشلتهم و كلمت اخوي و جا اخوي شال اغراضي ركبهم في سيارته واناا قال لي زوجي تعالي اركبي معاي السيارة و اخوي رفض بس اناا ركبت مع زوجي لحد ماوصلنا بيت ابوي قبل لا انزل من السيارة قال لي كلام و قلبي تقطع قال لي انتي اللي تبي ذا الشي و بصوته نبرة حزينه عور قلبي و قال لي اذا تبي تنزلي انزلي قلت له ينزل بس مسكني من يدي وضغط علي كأنه مايبيني اروح عنه المهم بعد كلام طويل رجعت معاه الشقه و صار معاي تمام ويسوي كل شي عني بس بعد كم يوم رجع آآه آه آه و امس سمعني كلام يقول لي انتي حيوانه مو انسانه و جاهله و ماتفهمي و بقرة و من ذا الكلام عاد انا مارضيت على نفسي قلت له انا انسانه و مااسمح لك تقول ذا الكلام بعدين قال يصارخ علي ويضربني ووالله حسيت في ذي اللحظة انه مو انسان قلت له ابي اقول لك شي مارضى يسمع مني قلت له بقول قال لي لا مابتقولي واناا الرجال انا كلمتي هي اللي تمشي و من ذا الكلام بعدين قال لي تتحديني يعني قلت له آيييه نعم اتحداكم مسكني من رقبتي بكل قوه و ضغط علي قال لي بدفنك هنا اليوم و بتشوفي بدفنك صدقيني وهو يصارخ و يضغط حسيت اني بمووت خلاص هذا مو زوجي مستحيل اصلا ان هذا انسان بعدين لما شاف شكلي تغير اخذني و ضمني بحضنه قلت له ابعد عني ماابيك بكلم اهلي يجو يآخذوني قال لي بكسر الجوال اذا دقيتي على احد قلت ابعد اقول لك ماابيك وهو ضامني بقوه و قبل لا يضمني اخذني و رماني ع السرير بقوه و مسك ايديني بقوه حسيت انهم بيتكسروا و بعدين جلست ادعي ان الله يآخذني و هو يسمع وهو يعطيني ماء واناا ماابي من عنده قلت له مستحيل اشرب من عندك بعدين نمت وانا عطشانه و جلست الصباح و هو راح الدوام و اناا جلست ابكي و قلبي محروووق وبعدها جا من الدوام وانا عملت روحي نآيمه ولا جاب خبر اصلا للعلم ترى هو مايصلي يعني يوم يصلي و عشرة مايصلي كلمته قبل فترة بس مافي فايده والحين اناا خلاص ابي اتطلق لانه انا مو طايقته وهو مو طايقني قولوا لي شنو اسوي اتطلق جد ولا اصبر...
اتمنى من الإدارة تنزل موضوعي للعلم هذا أول موضوع لي هناا...