الله يعينك ويصبرك ويسخرلك زوجك


احضري الحفله ولاتجيبين خبرهم

حسبي الله عليهم
مدري وش اقول لك
دام زوجك وراء امه واهله فصعبه يكون في صفك
هو جالس يساعد اهله في ظلمك
افرشي سجدتك ودعي الله
وقولي حسبي الله ونعم الوكيل
وربك بيفرجها

اول شي احضري المناسبه واكشخي وخليك مبسوطه ومبتسمه طول الوقت


ثانيا اذا زوجك يستاهل سوي الجاي


كلميه واعتذري منه قوليله عشان خاطرك انا بعتذر لها واحب راسها ولا بحتك فيها بعد كذا ابدا اهم شي رضاك
اذا وافق قوليله روح معي اعتذر لها قدامك
روحي معه وسلمي على امه وحبي راسها وقوليها انا اعتذر لك من غلاة فلان زوجي
مابي اكدره وازعله يستاهل اني اعتذر عشانه
يعني امدحي ف زوجك قدامها وقدامه عشان يكبر راسه وينبسط
وقوليلها يا خاله اذا انا ظلمتك واذيتك ف حياتك بقصد اسأل الله ان يردها فيني بحياتي وصحتي وبعيالي
واذا انتي ظلمتيني واذيتيني بقصد اسأل الله ان يردها ف حياتك وصحتك وبناتك
وانا من اليوم وطالع اجيك مع فلان واروح معه
لا ازعلك ولا تزعليني
وتبقين ام الغالي وبحسبة امي


ادعي على نفسك قبلها عشان ماتقول لولدها جايه تدعي علي وعلى بناتي
راح تخاف من الدعوه حتى لو مابينت
ولاتروحي ولاتجي بدون زوجك ابدا عشان مايصير بينكم تتش


اهم شي لاتكوني ظالمتها ومأذيتها بدون ماتحسي
وزوجك دلليه والمووضوع بعد كذا لاتفتحيه
وسيره امه لاتجيبيها لو سوت ايش ماسوت حسسي زوجك انك زعلانه بس لاتقولي له شي بدون مايسألك


والله يكفيك شرها

الله يسعدكم حابه اقولكم شي ترا لسه مارجعني زوجي بعد الطلقه الاولى .. علشان كذا اسالكم اروح اولا؟؟

عمري اذا نصحتك بتسمعين الكلام ولا لا الحين مواحنا نصنع سعادتنا صح ام زوجك لا تردين عليها ولا تسبينها قدام احد حتا ولو زوجك لو تكرهينها كره العمئ انا اكلمك من تجربه بالعكس امدحيها قدام زوجك وادعيلها قدامه وقولي احبها وهي تحبني بس الشيطان شاطر وامدحي فيها ثانيا اقرائي بالشخصيات وانماطها وشوفي نمط زوجك تكسبينه زي السلام عليكم ايضا الاستغفار لا تتركينه وبذي الصيغه الصيغه هي استغفرالله الذي لااله الا هو الحي القيوم واتوب اليه قراءة سورة البقره ويس ويوسف ام زوجك طنشيها ولا تردين عليها حتا لو غلطت والا ستغفار لا تتركينه ولا تستسلمين حاربي عشان اطفالك وزوجك وماانصحك بالطلاق اولا عشان مايفرحون فيك وثانيا عشان اطفالك خلي هدفك انك تنتصرين وتفوزين بااطفالك وشوفي اذا داومتي علا الاستغفار صدقيني حتا بيت برا عن اهله بياخذلك بس اصبري وانا زيك لي 9 سنوات متزوجه وعندي 4 اطفال وعانيت من ام زوجي واهله ومازلت بس منتصره عليهم بالاستغفار وسورة البقره والله يوفقك ياقلبي ولا تنسين ياعمري تكتبين موضوع عن اخر اخبارك وان شاءالله تتصالحون ودايم وانتي ساجده قولي يارب ارضئ عني والله يرضئ عنا وعن كل المسلمين