ابي اتعلم الرسم على الزجاج..... ممكن احد يتبرع

هلا اختي... :)
الصراحه الرسم على الزجاج واااايد حلو وسهل والادوات مثل الفرشاه والالوان والزجاج تحصلينه كله في المكتبات.. مثل مكتبة جربر وسعرها واايد معقول... انتي سيري المكتبه والبياع بيدلج على الالوان.

كمبتدئه احسن شي ترسميين وتلونيين الرسومات الصغيره والي مافيها تعقيدات.
اول شي اتحطين الرسمه الي تريدينها تحت قطعة الزجاجه ومن ثم تستخدمين الكونتور ( التحديد الخاص بتلوين الزجاج) وترسميين على قطعة الزجاجه الخطوط الخارجيه الي في الرسمه... في البدايه بتحسين ان صعب ويريدله دقه ولكن مع الايام بتتعودين عليه.

المهم بعد ماتخلصين من الكونتور تتركينه لين مايجف بضعة ساعات. بعدين تجي عملية التلوين وهي عمليه بسيطه جدا. انتي بتكونين راسمه الخطوط الخارجيه للرسمه بالكونتور فماعليك الا انك تملين الفراغات بالالون. يوم بتلونيين لالفضل انك تحطين طبقه خفيفه وبعدين اذا تريدين اتقمجين اللون زيدي بالطبقات.

نسيت شي مهم.. يوم بتخلصين من التلويين لاااااازم تغسلين الفرشاة بسرعه لانك لو خليتها بدون ماتغسلينها اللون بيخرب الفرشاه....

شفتي سهل صح؟؟ّ؟ّ :27:

المهم حبيبتي اذا عندك اي سؤال انا حاضره :)

هلا اختي BnT DaR ZaYeD

يزاك الله خير على الرد وعلى ها المعلومات

الظاهر ان الطريقه سهله وايد

وانا ما عندي مشكله في عملية الرسم لاني احبه

وعندي هواية النفش بالحنا على الايد والارجل

والله يا اختي عطيتيني تشجيع اني اروح اليوم وشتري الاغراض وابداء

بارك الله فيك

اختك ام عبد الله