نفس الشي


لا ن سبق وشفت وحده حاطه
براويز مسويتها صواني
والسلال ماقد شفت



ان شاء الله
تستفيدي ونستفيد من البنات

نفسي أتعلم هذي الاشياء

إلي تعرف تخبرنا .. جزاها الله خيرا

اشوف عند محلات الحلويات يستخدمون الفلين ويتفننون فيها
خوذي فلين دائري وغلفية مخمل او كورشية وعلى الاطراف كلفة حلوة
وعلى جزء منها تفنني فيها شرايط ورد مجفف ورود كرستال
وشوفي وش تطلع

اتمنى افدتك

بقولك طريقة للسلال لكنها تختلف تماما عن الي توصفينها
وانا سويتها بنفسي لزواج خالتي وكان زواج كبير
لكن السلال روعة والكل سال وين سويناها
المهم الاغراض الي استخدمتها
انا شريت اغراضي كلها من السويلم قريب من تبع اقمشة الكنب والاثاث)
1- سلة كبيرة جدا بيضاوية ..
(2- قماش مخمل وردي لكل سلة متر
لان الكوشة والطاولات كلها بالفوشي والوردي والفضي....
3- زينة اخترت ورود كبيرة ومجسمات قلوب وعروق باوراق شجر مبخوخة بالفضي
وكلها بهالمحلات وبصراحة روعة انصحك تروحين لهم هذي لوحدة من السلات
والثانية شريت لها ريش وردي وعش وبيض وعصافير صغيرة
وعروق بورق كلها مبخوخة بالفضي طبعا المحل باخينها ..
4- ورق مقوى شفاف بالمتر خذت اربع امتار لاربع سلال..
5- مثل القماش يجي بلفة صغيرة مثل التجليدة للكتب بالضبط اربع امتار..
وهو كاروهات مفرغة لونة فضي ..
6- استخدمت صمغ المسدس ..
طريقة العمل
1- تاخذين الورق المقوى وتقصينة مربعات كله بحيث تسوين كل مربع بشكل القمع
وتلزقينة بالصمغ المسدس..
2- تاخذين القماش الكراوهات وتغطين بة القمع المقوى بنف طريقتة
( يعني الحين خلصتي من الاقماع الي بتحطين بوسطها الشوكلاتة او المكسرات)..
3- نبدا بالسلة تعبينها كلها من جوا بالقطن وتلزقينة فيها
4- تفرشين المخمل على الارض وتحطين السلة بالوسط بالضبط
وبعدين تصمغين القماش بالسلة من على حواف السلة على جنب
وتكونين مسوية مثل الزم او التجميعات العشوائية اهي تطلع معاك بالغصب
لان القماش كبير بالنسبة للسلة وباقي القماش تدخلينة بالسلة فوق القطن
وقبل ماتلزقينة علية جيبي الاقماع لزقيها بالاطراف مع الجهتين كل جهة ثنتين
وبعدها تلزقين القماش بتعرجات
4- واخر شي وحدة من السلات حطيت العش بالوسط والبيض بالوسط
والعصفورين جنب العش والريش والغصون كل قمع حطيت علية غصن
والثانية الوردة بالنص والقلوب على حوافها والغصون بنفس الطريقة..
واتمنى اني وصلت الفكرة او جزء منها