ابي اتعلم منكم

السلام عليكم كيفكم خواتي والله ماكتبت الموضوع الا اني محتاجه احد يعطيني امل بحياتي يطلعني من المرض النفسي الا انا فيه انا تعبانه جدا ماقدر انام غير 4 ساعات متقطعه بديت طفولتي والناس تسخر مني والله ثم والله حتى المعلمات يسخرون مني ومن شعري ومن شكلي ومن مشيتي ومن كل شي
بنات الجيران كانوا يضربوني اروح عند امي امي كانت ترجع تضربني جينا ننبسط لا تكدري مزاجي والله كانو يسحبو ملابسي الداخليه والله مااكذب كبرت صرت انطوائيه ابتعدت عن الاناس صرت مااصادق احد الا صداقه سطحيه نزور بعض بس مانعرف عن بعض شي .. وتخرجت من الثانوي وبدات معاناتي ماقدر ادافع عن نفسي مااقدر اخذ حقي دائما مظاومه
ابوي مايحبني والله ابكي بالليل احس براحه لما ابكي لو اضحك اضحك بدمووع واشهق ..
بعدت عن ربي صلاتي مااصليها بوقتها وتوظفت واحس نفسي مو كفاء بوظفتي
وقاعده اكمل انتساب واهلي يضغطون علي لا تكملي .. انخطب اصير مريضه جدا احس ببطني شي يتحرك وهم من نفسهم اهل الخاطب يرفضون .. اتمنى ومستحيل يتحقق حلمي .. وغير كذه انا عندي عقدحميده بالغده خلتني سمييييينه جدا وستئصلت نص الغده .. انا ماكتبت الموضوع عشان اضايقكم انا كتبته ابي منكم كلمه طيبه ابي منكم تشجيع ابي تكون عندي شخصيه ابي اتعلم كيف اتكلم مع الناس ابي اتعلم منكم لاني اثق فيكم انك رح تساعدو اختكم