ابي اتمتع بمراهقتي..

والله ما اعرف شاقولج ... :(

الله يهديج ان شاء الله

السلام عليكم ورحمة الله وبركاته،،،
حبيبتي ديما.....
خذي راحتك وحريتك يا قلبي...
بما نك شخصياً مقتنعة إن هذا صح في حياتك..خلاص استمري..
بس في ملاحظة شفتها من كلامك وهي واضح انها تنيجة الحرية الزائفة..
وهي شعورك بضيق في الصدر..
قال تعالى" ومن يعرض عن آياتي فإن له معيشةً ضنك، ونحشره يوم القيامة أعمى، قال ربي لما حشرتني أعمى وقد كنت بصيراً، قال كذلك جاتك آياتي فنسيتها، فكذلك اليوم تُنسى.."
آية عظيمة..وهو حال الكثير من البشر..،سأل الله لهم الهداية..
المعيشة الضنكة وهو الضيق الذي تشعرين فيه..
طبعاً ضيقة الصدر إلي فيك..مو علشان شعار الحرية..لا
علشن بعدك عن الله..والتسويف..يعين قولك بكرة بتوب..
حبيبتي التمسك بالدين، والإلتزلم ..مو معناه ابداً الكبت والحرمان النفس..
لا معناه التوزان،في الأمور..إلي هي فيها الخير للإنسان..
شوفي حال اليهود كيف كان..شعب كل شيء حلله..وشوفي وش صار فيهم..
مرض دماغي منتشربس فيهم..
وشفي حال النصارى أول ،كانوا كل شيء محرمينه على انفسهم..وشار صارت النتيجة
إنحلال إخلاقي..وزنا,,وامراض جنسية،وسرطانات..والعياذ بالله..
راح تقولين..أنا وين وانتي وين..؟؟
حبيتي..اوامر الله كلها في صالح العبد..
ما في شيء في الإسلام إسمه كبت ، وحرية..
لا في شيء أسمه حلال وحرام..
والحلال واضح والحرام واضح..
كونك ملتزمة مش معناه ابداً تحرمين نفسك من متع الحياة..
شوفي وش هي الاشياء الحلال وسويها..وشيء الأشياء الحرام.وليش حرمت وأبعدي عنها..
إذا عرفتي سبب التحريم والحكمة من التحريم..راح تقتنعين..
الحرية حبيبتي..معنى تتحررين من قيود النفس والهوى..
يوم إنك نمصتي..استمعتي لكلام نفسك والهوى والشيطان..ولا فكرتي ليش هي حرام..او عقوبة من يسوي كذا
وهي اللعن..والطرد من رحمة الله..الإنسان ما يسوى شيء بدون رحمة الله..والله ما يسوى شيء..
حبيبتي الحرية وش معناه في نظرك..هي انك تسوين حاجة إنت مقتنعة فيها..ولازم يكون قناعتك في حدود الحلال والحرام..
الحين الدين ما حرم خروج المرأة من البيت، إلا وهي في كامل حجابها..اطلعي زيّ ما تبغين..وين ما تروحين..بس دون مبالغة..يعيني لما تحطين لثمة..العباية على الكتف ..وذلك الكحل إلي ياسلام..لــيــش..؟؟؟
تبين تتزينين..؟
طيب لمين..؟؟
لنفسك..!! الحمد لله تقدرين تتزين لنفسك في البيت..عند صديقاتك..في المناسبات...
بس في السوق لــمــيــن..؟؟
لجنس الثاني...
علشان يناظرونك..ويمدحونك...
هذه فتنة.."والفتنة اكبر من القتل"..
وعليها ذنب عظيم..لك ولهم،،غا كان عليهم ..بكيفهم..بس مين إلي جاذبهم..معقولها ما له ذنب غير أنها مراهقة..
لا ماشاء الله عليها..كبية وتعرف الصح من الغلط..!!
******
حبيتي اقعدي مع امك...انت ضميها بين يدينك..لا تستحين منها..!!
انا عمري 30 سنة..ولسى انام على رجولها..الله لا يحرمنا منها..قولوا آميييين..
خليك دايماً بشوشة...سولفي عليها خرابيط المدرسة..
اشكي لها..غذا ضقتي..
ما في أحل من صدر الام يسمع ويفهم أولاده..
بس غذا حسيت أن امك ما تفهمك..أكيد عندك خالاتك..عماتك..وحدة مش كبيرة مرة..وتسلكين معها..
*******
جينا لمربط الفرس...زيّ ما يقولوا...
صديقاتك..هم لهم تأثير مباشر عليك..
شوفي حبيتي..ترى ما في أحسن من الرفقة الصالحة..يعني شوفي بنات ترتاحين لهم..وتحسين فعلاً هم على صح..
مش بالشرط يكونون ملتزمات..على الاقل فيهم حفاظ على الدين..
بس صديقاتك..حاولي تتركينهم فترة..بعد ما تحسي بالتغير فيك..حاولي تغيرنهم معك..
**********
ابعدي عن الماسنجر..ولو قدرتي إلغيه من الجهاز..
خليك بالمواقع النسائية..سواليف البنات اصرف لك..
ولا تنسين تشغلين نفسك بالقراءة.خصوصاً قرأت القرآن..خلي لك جدول تقرين فيه القرآن.
لا تقولين ما عندي وقت..؟؟
لا حبيبتي ..عند وقت..ووقت طويل بعد..
خصصي..لو كل يوم بعد كل صلاة..نص صفحة..
الصلاة ..الصلاة.,الصلاة..
حافظي عليها..وعلى اوقاتها..ولا تنسين العهد إلي بينا وبينهم الصلاة..
تعلمي احكام الصلاة..والوضوء..
خلي غرفتك مكان مناسب لصلاة فيه..يعني رتبيها..وعلى الاقل شيلي الصور إلي فيها..
لانها حرام ..ليش حرام..علشان البيت إلي فيه صور ما تدخلها الملائكة..طيب البيت إلي ما تدخلها الملائكة..يدخلون بدالهم "الشياطين"..وما يحتاج اقولك عن حال الشياطين، اقلها..يخربون عليك نومك..كوابيس..إزعاجات..
وضيقة الصدر إلي فيك..لهم دور فيها..
*****
شكل كلامي كثير وما يخلص..بس ما حبيت ازعجك فيه..
لنا لقاء في الحلقة القادمة إن شا ءالله..
*****
بس ارجع واقول لك..
خذي راحتك في كل تصرفاتك..بما انها حلال..مش حرام..
لان مع الحرام سبحان الله ..تحرم النفس السعادة والطمأنينة..
وعلى فكرة مش معنى إنك مراهقة ترهقين عمرك بالحرية..وترهقين غيرك..
تذركي إن الموت لا يعرف الصغير ولا الكبير..وان كل إنسان محاسب على افعالها..فلا تجعلي الله يحاسبك على سوء..
فالحرام بيّن.والحلال بيّن..

الله يهديك ويثبتك ياااااااااااارب
دمعت عيني من قصتك لاني حسيت فيها فعلا
لان مشكلتك مشكلة كثير من البنات
حتى لو ما توفر لها نفس المستوى المادي المتوفر لك
لكن اساس المشكلة موجود........
كثير بيعارضوني ...... وما يعجبهم رأيي
لكن الاهل هم سبب سعادة او تعاسة ابنائهم
ومافي اهل الا ويتمنون لابنائهم السعادة
لكن للاسف يظنون انهم بالمال وفروا كل شي
لا
لا
لا
لا
المال مهم ما انكر دوره الكبير في حايتنا
اللي اصبحت مادية بكل معنى الكلمة
انا ما ريدت على هذا الموضوع الا من قهري فعلا :29:
لو الاهل اعطوا من وقتهم لابنائهم
حرصوا يعرفون مشاكلهم وهمومهم
ماكان حست البنت انه في شي ناقصها
ماكانت دورت احد تشكي له .. وهي عارفه


اختي ......... مع كل ما كتبتيه
احساسك بالذنب ..... شي رائع
يدل انك فيك خير كثير ان شاء الله
احرصي انك تلقين بديل ييكون خير لك
بدل سماع الاغاني استمعي للاناشيد الاسلامية
بدل التلفزيون ......... تعلمي هواية جديدة

نفسك ان ماشغلتيها بالخير .......شغلتك بالشر
وتذكري...........من ترك شيئا لله عوضه الله خيرا منه

واعذريني على الاطالة

صدقيني إني أتمنى لك كل الخير و لبنات المسلمين أجمعين..

أختي هالشيء اللى تمرين فيه من الفراغ (( الإيماني والروحي))

البنت اللي تفكر بهالطريقة تكون سطحية وماعندها هدف..وبالآخر بتندم بعد فوات الأوان..
لا تفكرين ان الحرية و السعادة هي فعل كل شيء..
مثلا من حيث محادثة الشباب وإقامة العلاقات على أساس البحث عن الحب والتسلية أو ممارسة العادات الشينة اللي تغضب الله والوالدين..

أختي حبيبتي..أحس في كلامك نوع من الندم وتأنيب الضمير ..
فابدإي بإصلاح نفسك من الداخل والتقرب من الله سبحانه وتعالى وهو أعلم بحالك..
عليك بالمواظبة على الصلاة وهي أساس الصلاح إن شاء الله..ثم الدعاء والتضرع لله..إدعي اللي في خاطرك إذا انت بالفعل حابه تغيرين من نفسك..صدقيني قمة السعادة والراحة هي التقرب من الله..حاولي تقري قرآن كثير أو التسجيل في معهد لتعليم القرآن الكريم..راح تحبين تلاوته و تتمسكين فيه لما تفهمين معانيه وتفسيره..إذا في محاضرات دينيه في المدرسة احضريها ولاتفوتينها لأنك مرة على مرة أكيد بتستفيدين..

ثم ابتعدي عن البنات الفاسدات..لأن الصحبة لها تأثير قوي على البنت.. والطبيعي في هذا السن هو حب التقليد للغير..والله انك ما ر اح تستفيدين منهم غير المشاكل والمصايب انت في غنى عنها..

الوالدين بالأخص هم الأدرى بمصلحة أولادهم..وترى الأم تحس بضناها إذا في شي غلط ..حاولي تحضنين أمك كل ما حسيتي أنك تريدين تحضنينها و مشتاقة لحنانها ما فيها شي بالعكس راح تستانس وتشعر بحبك وبرك لها..ورضى الله من رضى الوالدين ودعاهم مستجاب فاطلبي منهم بالدعاء لك بالخير..
أنت تشوفين انه في شي غلط فابتعدي عنه ولا تشغلين بالك فيه.. إذا قريباتك وصديقاتك يكلمون شباب بالنت او أي شي ثاني لا تخلينهم قدوة لك..

أنت بذرة زينة والشيطان قاعد يلعبك ويضحك عليك يزين لك الغلط والحرام.. قال تعالى(( كمثل الشيطان إذ قال للإنسان اكفر فلما كفر قال إني بريء منك إني أخاف الله رب العالمين **فكان عاقبتهما أنهما في النار خالدين فيها وذلك جزاء الظالمين))..الله يبعد شره عنك ويهديك ويصلحك ويستر عليك..

أستغلي وقتك بالمفيد اللي ترتاحين فيه مثل ممارسة أي هواية تحبينها كالسباحة الرسم الخياطة الرياضة تعلم اللغات الطبخ........ إلخ

اتمنى أنك تصحين من الغفلة اللى أنت فيها وتداركين نفسك قبل فوات الأوان..

قال تعالى ((إن المسلمين والمسلمات والمؤمنين والمؤمنات والقانتين والقانتات والصادقين والصادقات والخاشعين والخاشعات والمتصدقين والمتصدقات والصائمين والصائمات والحافظين فروجهم والحافظات والذاكرين الله كثيرا والذاكرات أعد الله لهم مغفرة وأجرا عظيما))

المها.. ويهدينا جميع ..شاكرة لك مرورك..
هاجر..والله كلامك درر ياقلبي تسلمين حسيت انك مهتمة فيني فعلا..وعلى فكرة ترى استحي اضم امي تبينها تقول وش فيها ذي قاطه وجهها علي..وترى صديقاتي صحيح ان اخلاقهم مو حلوة بس شخصيتهم كثير حلوووة ويحترمون الناس ومؤدبات ..

وتسلمين ع المرور..ونسني كلامك وفرحت لة..