انتي زوجك نفس التصرفات مثل زوجي ،، جداااا
نفسي اشتاق له ،، اربعه وعشرين ساعه في وجهي طفشت مليت ،، حتى رمضان نمت عند اهلي مره بس،، وجا من بكره ع طول ،، والحين انا عند اهله صار لنا عشر ايام ،،
ياليت اللي تعرف شي تعطينا حل

ههههههه حتى انا مثلك اتمنى اروح لهلي وجلس عندهم اسبوع او اكثر عشان نشتاق لبعض مليت جلسة البيت وهو معي اربع وعشرين ساعه يروح لدوام ويرجع اتمنى اجرب الشوق بس انتي احمدي الله اهلك قريب ليش ماتروحي تجلسي عندهم كم يوم لين تشتاقون لبعض انا اهلي بعيد اروح لهم في السنه مره ويكون معي الله يخليه لي يارب بس ماقدر اتحمل انو يكون في منطقه وانا في منطقه ونجلس من بعض اشهر احسهاصععععبه الله يعين شوفي بعض البنات تتمنى زوجها يجلس معها لما اشوف مواضيع زي كذا اشكر ربي

ضحكتني اللي تقول انسى أهلي وأبدي زوجي وأهله عليهم خيييييير لاوالله اهلي ثم اهلي ثم اهلي بالنسبه لصاحبه الموضوع حاسه فيك ومجربه نفس الشعور خاصه ان اهلي بعيدين وما اشوفهم الا في الصيفيه لدرجه صرت اقول له في الصيفيه إنساني لا اشوفك ولا تشوفني خلنا نشتاق لبعض بس طبعا مافي أمل كل يومين وهو راز وجهه عندي

محد مرتاح 
انا عكسك زوجي لو انام عند اهلي سنين مايقول اشتقت لك تعالي
مايهتم ابد ابد
انا اشتاق له وهو لا 
يتركني عند اهلي ولايتصل يقول ابي اجي اخذك ليين انا اتصل عليه
ومثل زوجك ثقافته بالكوره فقققط 
ولايحب نروح حدايق ومنتزهات
والسوق لازم ينزل معي ولما اشاوره ع شي يقول مدري مااعرف طيب ليش تنزل معي اجل خلني ع راحتي وجوده يقلقني ومااعرف اتسوق زين
انا واياه فيه فارق بيننا بالعمر يمكن عشان كذا تفكيرنا متضاااد دايم

الله يعين

شكل زوجك طووول اليوم من البيت لدوام ومن الدوام للبيت عشان كذا مليتي
مايروح لاهله؟
مايطلع يلعب كوره؟
مايقابل اصحابه؟
الطلعات الخفيفه هذي انا اشوفها تبعد الروتين عن الحياه
بس هم قولي الحمد لله انه مش العكس
انتي دامك تبين تبعدين عنه وتشتاقين
طيب روحي سافري مع اهلك روحي نامي عندهم
دام هو ماعنده مانع ليش ماتروحين
حاطه السبب منه واهو اصلا منك
قالك روحي سافري ليش مارحتي؟