ابي اجهز علموني اهل الخبره شلون اجهز ومن وين ابدا؟؟؟؟؟؟؟؟؟؟؟؟

افضل نصيحه ممكن اقدمها لك انك تقسمين المبلغ قبل ما تشترين اي حاجه..

اعطيكي مثال.. انا الحمدلله قسمت مهري.. وكنت محدده لكل شي مبلغ معين على حسب اهميته وكذا..
والحمدلله جهزت وخلصت كل احتياجاتي وبقالي من المهر مبلغ زياده للحين عندي ما احتجته..

اختي اللي قبلي مهرها كان تقريييبا ضعف مهري.. ما قسمت وكل ماعجبها شي شرته .. واخر شي انزقت مابقى لها فلوس لفستان الزواج!!!!!! لما رجعنا نراجع ونطالع اشيائها لقينا الملابس الداخليه كثيررررررره.. وكثير منها متشااابه لدرجه فظيعه لانها كل ماعجبها شي شرته.. وكانت الاسعار عليها لما جمعنا طلع حوالي 16 الف راحت على الملابس الداخليه.......... مو حراااااام هي تقول ما حسيت على نفسي وهي صادقه..


فعشاااااان كذااا قسمي المهرررر.. واذا قدرتي تبقين جزء منه معاكي يكون افضل.. واذا ماقدرتي مو لازم.. اهم شي تكفيك وتخلص احتياجاتك..




نصيحه ثانيه.. لا تشترين لاجزم ولا شنط الا بعد ما تشترين التيورات والملابس.. وبعدين ركبي عليها جزم وشنط واكسسوارات..

بعد الملابس الداخيه اي قميص تشترينه خذي معه على طول البانتي حقه والسنتيانه اذا بغيتي.. لا تاجلينه بعدين لانك يابتنسين ياماراح تلقين.. خذيهم اول باول.. ولا تكثريييييييين كلهم بينكبون بعدين من الملل..

قميص اول ليله عند نعومي طقم العروس ب 1600 تقريبا سكري وطويل ومناسب جداااا.. اذا ماناسبك سعره لا تستعجلين وتاخذينه..

الفساتين ترجع لذوقك اذا جاهز او تفصيل.. وانتي توقعي راح تنعزمين عزيمه لكي كم مره وفصلي عليهم.. واللي تلبسينه في العزيمه اللي تسوت على شانك.. ممكن تعيدينه في العزايم الثانيه اللي ماتكون متسويه عشانك..


اخاف اني كثرت حكي .. بس حاولت اساعد لاني اذكر اختي كيف تحسمت على المهر اللي ضيعته.. والى الان هي ندمانه..


الله يوفقك ويسسسسسعدك..

اختي انااااااا والله ودي اساااعدك

بس قبل كل شي قوليلي انتي من وين علشان ادلك على المحلات الروعه

لا انك انتي من السعوديه مثلي

انا الحين اجهز وقربت اخلص ما با قي لي الاالشيااااء البسيطه

ودي اخدمك في كل شي من الشراب الى يوم الزواج والحلويات الي راح تحطيها

لا اني بصراحه مثلك انااول بنت قي العائله تتزوج

كنت افرح لم احد يقول لي سوي كذا ولا هذا احسن لك ومن هل قبيل

بس حبيت اخدمك

وذا بغيتي على الخاص ما عندي ما نع

وتحياااااااااااتي لك:27:

السلام عليكم ورحمة الله و بركاته

اختي اسمعي كلام some_wa7da لان انا صار لي نفس الي صار لاختها طار مهري و انا ما خلصت ملابس الطلعات و لا شريت اي مكياج او عطور او حتى اكسسوارات و وهقت اهلي معي
ثانيا لا تشترين و لاقطعه الا بعد ما تفرين كل الاسواق الي حولكم و الي ناويه تشترين منها لاني بعد ما شريت من محلات لقيت الاحلى و الارخص بمحلات ثانيه

و قسمي فلوسك اذا عرفتي الاسعار و ابدئي بالي يبي له خياط و الاكسسوارات اذا بتصممينهم ومن ثم انتلي للجواهز و اخر شئ المكياج و العطور و رتبي افكارك و سجلي كل شئ ناوية تشترينه و لو كان بسيط زي شراب و كم بتخلين له و اذا خلصتي شئ اشطبيه و اذا باقي شغله موب لاقيتها اسئلي عنها بسرعة

وان شاء الله ما تتوهقين مثلي

يلا من اليوم اطلعي وانهي اهم امورك .......

اولا: الفساتين تشترين القماش وتدخلينها ....... او تشترين جاهز ....

ثانياً: الملابس الداخليه والقمصان ....

ثالثا: الملابس الكشخه والطقوم حقت العزايم ...

رابعا: الجزم على اللبس .... والشنط..

خامسا: المكياج ....والعطور.....

سادسا: لبس البيت واللبس العادي الناعم ....

سابعا: جميل لو تتصدقين بمبلغ من المال ......

واذا كنتي بتسافرين جهزي شنطة السفر قبل الزواج باسبوع الى اربع ايام .....

ولاتنسين تحجزين الكوفيرا والقاعه اذا فيه حفله ... وهذا لازم قبل شهر ونص او شهرين .....

ولازم قبل الزواج باسبوعين الى اسبوع تدقين عليهم تتاكدين ....

وهذا اللي في بالي الحين .......

واي استفسار ارحب بالخدمه ...........

تحياتي لك ....... والله يوفقك ..........

السلام عليكم
الله يوفقك ويتمم زواجك على خير ويسخر لك زوجك حبيت اشارك معاك ولي رجعه معك انشاء الله :26: