ياااهلا والله بالحبيبات 😍
وش أخباركن عساكن مبسوطات 😊
المهم انا اللحين وحدتن فاضية فريت جولة على ايبادي دخلت انستقرام واخذت جولة عن الزي ورحت اشوف على المشاهير وش نزلوا 👀 ومليت وطلعت وقلت مالي الا تويتر الا العالم كله عن اليوم الوطني تحولوا لطحالب كل الدنيا خضراء 😐 اما الواتساب تخبروننا ماندخله فيه أبراج مُراقبة 😈
قلت ياشموخ مالتس الا الله ثم هالحوائيات افتحي لتس مرضوع منها نستفيد وندردش مع بعض
فقلت ابي احتسي لكم عن وضعنا مع حريم اخواني
تزوج أخوي الكبير بوحدة صغيره وماشاء الله عليه مزيونة 👸وبما انه الكبير تقل اننا مستانسين بهم صرنا طايرين به هههههههه الله يخلف عليننا
المهم بعد ماجت من شهر العسل بنفس الاسبوع اكتشفت انه تسذووب ههههههه استغفر الله ، الله لايبلانا والله تنصدمن تجيب تسذبه منا كبره والمشكلة وهي تحتسي الكذبه نسلك له نخليه تواصل المشووار 😂 بزعمنا هذا الحل الصح علشان مانكسر خاطره
وهي كانت بالدور التحتي وله بيته مستقل المهم المراه ابلشتنا اربع وعشرين ساعة تصعد لنا
وغداه وعشاه عندنا 😂 وهي كانت تدرس عندنا
اخوي على نياته بزعمه الوضع عادي 😂
واختنا في الله زودتها حبتين صارت دايم تجينا صرنا انا وخواتي نهج بمعنى نهرب وكل وحدة تقول للثانية انتي اطلعي 😂😂 هي الله يصلحه حركات طفوليه به
ومرت السنين ونقلنا حنااا 💃 وبعده بسنه نقل اخوي بس صاروا بيت لحال
المهم ويعرس اخوي الثاني ومن البداية صرنا نعامله رسمي لان المومن لايلدغ بالجحر مرتين 😎 وهي من النوع الأجتماعية وتحب تسولف ووكانت تبينا ماتحب مرة اخوي الكبير
بس حنا نطنش اذ جت الاولى او الثانية نسلم عليهم سلام رسمي ومافيه امل نسب احد عندهن يعني الموضوع رسممممي جداً وبعد كذا وبقدرة قادر حبوو بعض 👭
قلت ازين الله يهني سعيد بسعيدة 😂
صاروا يتسايرون على بعض وبصراحة حنا جاز لنا الوضع لان بعد اسبوعين يجننا مره مع العلم اتمنى بالشهر يجين مرة وحدة 🙈
بس اللي يصدمن اكثر يحبن يدورن اخبارنا وش نسوي وش نعمل !! اذ درن بسالفة عننا يستانسن احسهن تقل اخذات كنز 😊😊 ويسموننا الجحودين ههههههههه معناها اننا نكتم على كل شيء
مع العلم ان الرسول عليه السلام يقول اقضوا حوائجكم بالأكتمان 💪💪
مع العلم مع بنات عمي وخوالي علاقتنا قوية ويدرون عننا كل شيء بس حريم اخواني لا هههههه
فعلشان كذا ابي احتسي لكن يا اخواتي المتزوجات وش الفايدة انك تعرفين كل شيء عن حمولتك موو لازم تدرين 😂 وخصوصاً اذ كانت حمولتك مثلنا مافيه امل نسأل الشخص الا اذ هو يبي يقوله من نفسه 😄
والله يابنات مو مدح بأهلي امنيتي اني اخذ حمولة مثلنا مافي امل أسال عن خصوصياتك ومافي امل اخليك تدرين با أخباري 😂😂💪
يلزم عليك تسجيل الدخول أولًا لكتابة تعليق.
انا اهل زوجي مقاطعيننا احنا السلايف وقليل نجيهم رغم انا ساكنين في عمارة وحده مايبون احد يجيهم الكبيره مقاطعتهم تماماً لها سنين ماتجيهم حتى الأعياد واحنا نقعد بشهور والله مو مننا هم يتضايقون لو جيناهم
حلو ماشاء الله انا معك كل شيء بحدود سواء من اهل الزوج او زوجات الاخوان يعني لا هذا يثقل على هذا ولا يفرض الشخص نفسه على من يتهرب منه ومع الطرفين حلو الرسميات والوقفه مع بعض في المناسبات ووقت حسيتي محتاجتكم وحده منهم بشيء لا مانع من انك تساعديها مهما كان عشان اخوك
*اوما خشيتم في القيامة موقفا * تلك الحواس بكل شيء تنطق*
*اوما خشيتم في القيامة موقفا * تلك الحواس بكل شيء تنطق*
اختي لاتزعلين من اللي بقوووله بس ماعرفنا لكم يالحممممموله اذا جينا لكم قلتوا يدوروووون العلووم والسوالفففف ومانبيهم ..
واذا ماجيناا قلتوا ايه مايحبوناا ولا يبون عيالهم ييحبون عمانهم ؟؟
واذا سولفنا ندور علووووم واذا سكتنا قلتوووا الساكت سم ناكت ومسويه رسميه ومن هالحكيي ؟؟ ..
وانتي قلتي حريم اخوانك اجتماعيات ؟؟ والله اذا صاررروا رسميات تجين هناااااا وتتشكوين منهنن؟؟
واذا ماجيناا قلتوا ايه مايحبوناا ولا يبون عيالهم ييحبون عمانهم ؟؟
واذا سولفنا ندور علووووم واذا سكتنا قلتوووا الساكت سم ناكت ومسويه رسميه ومن هالحكيي ؟؟ ..
وانتي قلتي حريم اخوانك اجتماعيات ؟؟ والله اذا صاررروا رسميات تجين هناااااا وتتشكوين منهنن؟؟
الصفحة الأخيرة
والله يا اختي زوجة الاخو اولى من بنات العم .. هي صارت بنتكم و عيالها عيالكم و احس انكم اذا عطيتوها قدر و اهتمام من غير مبالغة بياثر هالشي على علاقة اخوكم و عياله فيكم .. احسكم عادينهم اغراب وماتبون تدخلونهم فيكم ليه طيب
بعدين حديث الرسول هذا ضعيف ومايصح ..