السلام عليكم ورحمة الله
عزيزتي ريم رجعت لبداية مشكلتك مع زوجك وقريتها كلها وطلعت لك برأي (مجرد رأي يحتمل الصواب والخطأ ) لكن بقوله من باب المساعدة وانتي براحتك
باختصار انا فهمت انو أساس مشكلتك رقم الخطابه اللي قبل شهرين ونص وأنكر بعدها انه تزوج أو ناوي يتزوج وإلى الآن زوجك ماتزوج يعني هذا انتي شفتي نهاية السالفه بغض التظر عن سبب وجود رقمها في جواله ( ممكن نوى يتزوج وربي ماكتب له أو أي سبب ثاني ) المهم انه بقى لم وماتزوج
وفهمت انكم من٦ سنوات متزوجين وربي ماكتب لكم ذرية والسبب منه مو منك : طيب حبيبتي هذي النقطه في صالحك
وفهمت انو انتي متمسكه فيه وماتبين تخسرينه بدون دليل ضده وتبين تتصرفين بحكمه وهو من تصرفاته مهمل لك ولكل تضحياتك وجالس يكابر
وفهمت انكم شهرين ونص ماتتكلمون مع بعض وهذي بحد ذاتها كبييييره
واخرها ياخذ حقه الشرعي بدون كلام هذا جدا متعب
فاللي بقوله انك خلي الاخيره هذي بداية فاتحه لك عشان تحسمين امورك
اول شي استخيري الليله
وبكره لما تقومين من النوم شوفي الوقت المناسب اللي يكون فيه ماكل ونايم ورايق وترتبي وجهزي قهوته وتعالي اجلسي وقولي يابن الناس انا ماراح اعيش على كذا دايم تبيني تصرف معي طبيعي ماتبيني انا بعد ماابيك .. حياتنا كذا ماتنطاق وانا صبرت وتحملت وحرمت نفسي مو عشان ألقى منك الجفا والنكران .. المهم وقولي كل اللي بخاطرك ونصيحة لاعاد تفتحين سيرة الخطابة لاني اتوقعها انتهت بالنسبه له .. وشوفي من رده ان كان شاريك اهلا وسهلا والله لايفرق بينكم واطلبي منه يرضيك تغيرون جو تسافرون وتتقربون من بعض لو يومين وان كان بايعك يمكن تكون خيره لك ويرزقك ربي رزق بعيد عنه

وقبل هذا كلللله استخيييري والله يكتب لك الخير
وطمنييينا عليك لاتنقطعين
دعواتي لك الليله
وادعي لي ربي ييسر ولادتي

نصيحة لك امسكي سورة البقره يوميا صلاة الليل والدعاء استغفري طول الوقت الصلاه على الرسول علية الصلاة والسلام تصدقي يوميا لوبريال اجمعيها وكل فتره خرجيها يمكن انه العيب منه مأثر على نفسيته انسي الطلاق هالفتره وسوي اللي قلت لك وربي ماراح يخيب من دعاه أسأل الله العظيم ان يفرج همك ويشرح صدرك ويرزقك اكثر مماتتمنين

حاسه فيك وربي ...
اعاني من نفس الشي وفوق كذا حامل وادرس وطفل وبيت وطبخ ومكروفه ع وجهي نفسي احد يحس فيني لو بس كلمه حلوه..
لكن مااقول الا الله يسخرهم لنا ويهديهم

مشكورات اخواتي ع الردود .. ربي يسعدكم
اختي موود مشكوره ع الرد وربي ي9سهل عليك ويقومك بالسلامه ويرزقك بالطفل الصالح اللي يملي عليك حياتك ويجعله قرة عين لكم ..

انا متأكده لو كلمته ماراح اطلع بنتيجه لانه يشوف نفسه مو مسوي شي
ولا لي خلق اكلمه
اصلا ماعاد فيه بيننا تفاهم هجوم ع طول
وانا ماعاد لي حيل ع الهواش
رغم نفسيتي التعبانه و وضعي الزفت والبكاء كل يوم والثاني و تفكيري في الطلاق كل شوي

الا اني ابي اصبررر ابي اشوف
وش عنده ووش اخرتها ابي اعرف لشنو بيوصل


اختي انثى ..

زوجي شمالي غربي .. ربي يعين عليه بس


ربي اكتب لي الخير اين ماكان ثم ارضني به

والله كل الرجال كدا لو غلطاااان ستين
مايهمه وقلوبهم قويا علينا


كرري وادعي لا إله إلا انت سبحانك اني كنت من الظالمين

وح تشوفي العجب