Noone2 @noone2

عضوة فعالة

ابي احد يكون حله معقول ومن غير تجريح او كسر خاطر بليز

السلام عليكم

بنات انا ماعندي مشكله ولله الحمد بس اقدر اقول عقده او عائق

بس زوجي بداية زواجنا كان حيييل مهتم بحاله ريحته تهبل اللحين صار العكس مايفكر بنفسه اهم لاعليه انا ماينقصني شي ( ماشاءالله تبارك الله ) ولا احتاج ريال واحد صرت وش اسوي اخذ منه على اساس انه لي واشري له عطورات

اللحين فيه ريحة تعرق مره تقرفني يابنات رحة قبل امس وجبت له عطورات وملابس داخليه وقمصان يعني تقضيت له بس انا ابي اشري له مزيل عرق بس كيف الاسلوب اعطيه واقوله شريت لنفسي وذكرتك ولا ايش ؟

رغم انه يابنات حسسسسسسسسسسسسسسسسسسسسساس قليله فيه حيل يتحسس ومني بذات اعطوني حل الله يوفقكم :35:

يلزم عليك تسجيل الدخول أولًا لكتابة تعليق.

تسجيل دخول

ساكنة الأطلال • 12 سنة

بدل ماتقدمين مزيل العرق لوحده
ممكن تجيبين له الطقم كامل العطر واللشون ومزيل العرق بعلبة وحده

ويبان الموضوع طبيعي لايحرجك ولايجرح زوجك

الشتاء3 • 12 سنة

غلفيه مع عطر واعطيه

دانه سعوديه • 12 سنة

عادي لا احراج ولا حاجه

اشتري طقم عطور ومزيلات عرق وجل استحمام لك وله

وحطيها بشكل مرتب في الحمام

ولما يستخدمها قوليله احب ريحة عطرك وامدحيه

وانتبهي من الاكل لا تكثري الثوم والبصل

وشوي شوي بيتعود حب العطور والتعطير وهالحركات

الله يحفظكم لبعض

ريم الريم 20002 • 12 سنة

عطري ملابسه واغراضه وكل شي حلو خلي خشومه تتعود على الريحه الزينه خخخخخ
وغسلي ملابسه اول باول بكمفورات

وماعليه لمحي له من وقت لتاني ان اليوم حر والعرق ينرفز

والله ينولك بمرادك

هاي نت • 12 سنة

ماشاء الله تبارك الله

شوفي انا اول ما تزوجت كان زوجي ما يستخدم مزيل العرق

لكن صرت احط المزيل حقي على التسريحة واحطه بعد كل استحمام ففهم انه شي اساسي عندي

فصار يشتري لنفسه ويستخدمه

يعني اشتري لك وله زي بعض وحطيهم على التسريحة واستخدمي حقك بعد كل استحمام قدامه

وان شاء الله يفهمها من غير ما تضطرين تقولين شي

بالتوفيق