ابي احد يهدي من روعي ...خايفه ومرتبكة

هدي من روعك ياختي
مليار حرمه سوتها ماصار لها شي
والله اني جربتها وجربت عمليه غيرها
ان عمليه السحب ماتتقارن بسييطه مرره مرره
اول شي تصرف لك ابر منشطه للبويضات
وتجلس تعطيك مواعيد كل كذا يومين ثلاثه
تتابع معاك بالسونار حجم وعدد البويضات
بعد تقريبا ١٠ او ١١ يوم لما توصل البويضات للحجم المناسب تعطيك ابره تفجيريه (اسمها يخوف بس هي عاديه😂 ) تاخديها الليل تقريبا الساعه ١٢ واليوم الي بعدها ترتاااحي بالبيت وتكون هذي اخر ابره وتتجهزي الصباح لعمليه السحب
تروحي يعطوك غرفه وحمام الله يكرمك وتكوني صايمه
يجيبوا العلبه لزوجك ياخدوامنه السائل المنوي
في حاله كان عنده عينه مجمده يخلوك تنتظري كم ساعه لما يفكوا التجميد ويتاكدوا من صلاحيه العينه
وبسم الله قبل الظهر تدخلي غرفه العمليات
يعطوك كمامه فيها مخدر اول ماتستنشقي تنااامي
ولا تصحي الا بعد ساعه تقريبا وهم مخلصين كل حاجه
يرجعوك لغرفتك ويجيبوا اكل لك ولزوجك وتجيك الممرضه تقول لك كم بويضه سحبنا
ومتى ماحسيتي انك تمام تخرجي لبيتك بالسلامه
انا لما فقت من التخدير ماحسيت ببنج قوي حسيتوه خفييف وماطول راح وقدرت امشي
يعني تقدري تقولي بنج خفيف مو مره
قد سويت عمليه ثانيه غير السحب وكان البنج نصفي جلست اكثرر من ساعه مااحس بجسمي ولاامشي لكن السحب مرره بسيط فلا تخاااااففففي ابببدا ابببدا
ادخلي وقلبك كللله تفاول وامل وحسن ظن بربنا سبحانه
تذكري كثييير تتمنى تسويها ويجيها اطفال بس حاله زوجها ماتسمح او حالتها ماتتنفع معاها او حالتهم الماديه ماتسمح اووو بلدهم مافيه مراكز متطوره
احمدي الله واشكريه واقبلي على العمليه بنفس راضيه حامده شاكره متزنه ترى النفسيه عامل مهم جدا جدا
وادعي الله سبحانه تنجح معاك باول مره ويكرمك بتوأم صالحين سليمين
احنا ناخد بالاسباب ونختار افضل دكتور ومختبر لكن والله ربنا لو اراد رزقك حتى بدون اسباب لذلك خلي املك بالله وتعلقي بالله وحده
بالنسبه للألم انا ماشاءالله ماحسيت بألم ولا شفت قطره دمم مااعرف لو نزل خلال العمليه ومسحوني لاني صحيت الله يكرمك تحتي فوطه كبيره


قلت لك تجربتي والي اعرفه
دعواتك لي بالذريه الصالحه 💕

الله يسعدك يااختي ماشا والدب... الله يجبر بخاطرك ويارب تطمنك بالك مثل ماطمنتيني.... الله يجعلك الفرح يطرق بابك.... طمنتيني وقلتي تجربتك...الله يزيح عنك هموم الدنيا ويسخر لك كل من أمامك....

حبيبتي مثل ما قالت أختي ماشا و الدب الله يجزاها خير لا تخافي و لا توسوسي العملية سهلة و بإذن الله ربي يسرلك فيها و تفرحي بحملك يا رب و تحملي إبنك في حضنك بإذن الله يا كريم.

حوقلي واستغفري والأمور كلها سهالات بإذن الله لا توتري نفسك أهم شي وربي يعطيك اللي تتمنينه

يا حبيبتي هذا ماهو بنج هذا مهدي مع منوم
فالسحب ابدا مايعتبر عملية اساسا عشان تتبنجي لا فيها شق ولا خياطه فماتحتاج بنج ومرا ماتحسي بشيء وغالبا يحتاج السحب من ربع ساعة لنص ساعة والمنوم نص ساعة لساعة وانت صاحية ومافيه دوخة ولا كتمة زي البنج


لا تخافي ابدا وربي يسهل لك عمليتك ويرزقك الحمل