ابي احد يوجهني الله يوفق اللي يرد علي

السلام قبل الكلام

ابي ابتدي بموضوع المشكله وهو ام زوجي:44:



والله ثم والله ثم والله اني من تزوجت ماانوي لها الا كل خير مع انها من تزوجت واهي حاقده علي انا ماامنه ان
ام الزوج تغار على ولده جزا الوالدين على الله
بس مومخليتني اتهنا والله ان من تزوجت مااقامت عزيمه على شرفي
وش كان عذرها وليتها ماقالتلي
انا ماعزمت اهلك عشان ماعندنا ماده
تخيلو واهي عزيمه وراء الثاني وانا لي 4 سنوات متزوجه
وتقول لخوات رجلي انها تكرهكم وتستحقركم تخيلو وانا مااعتبرهم الا خواتي
حتى من القهر كلمتهم وقلت لهم انا والله ما استحقرتكم ولا استهزء فيكم تخيلو وش ردو
انا عارفين ان امي تتبلاك بس وش نسوي
ومرات يقلبون ولين سالتهم قالو من كثر ماشككتنا امي في كل شي
وانها حرمتني من الجمعات مع باقي حمولتي هي ع العموم مقاطعه حمولتها
وحطه حريتها فيني واي احد بيعزمني تزعل عليه
وما على اللسانها يالحقود ليه ماتعزمينا عندك يمضي الشهور وانا مادخلت بيت ولدي واهي لها سلطه في كل شي
ومانعه بناتها يدخلوني بيوتهم تقول اخاف عليكم من العين واهي ماجابت خبر حتى بناتها عارفين
بس وش اقول غير حسبي الله ونعم الوكيل
والله ياناس انها تهيني وتهزءني بليا سبب
وتتعمد تتكلم عن اهلي بكلام موكويس تخيلو بكل وقاحه
وانا مااقول ولا كلمه وعارفه ان ماعندي لسان ولا احب اطول لساني على احد واستغلت الموضوع واذا ولدها كلمها تقول انت اطلع منها خلنا نتفاهم مع بعضنا واهي اصلا ماتحب احد يقولها انتي غلطانه
وتدعي علي لدرجت ان في بكري قالت لي جعلك ماتفرحين بنظرته تخيلم في مسلم يدعي على احد كذا واتقول والله لازوج ولدي من دون لا تدري ان انا مزوجته عشان ماتحقد علي تخيلو انا متزوجه وكان رجلي قبل يتزوجني متزوج ومطلق
الزبده ما ارتاحو مع بعض ودام الزواج يمكن شهر ونص تقريبا والزواج قسمه ونصيب يوم يتقدمون لي تخيلو اهلي كان رافضين مبدأ مزوج ومطلق بس يوم سالو والرجال ما شاء الله ينشرى قبلو جت المشكله الثانيه وهي السكن بيسكني عند اهله قبلنا وقالو شرط ان تسكن ببيت من اول ماتطلب
المهم تم الزواج والحمد لله
جت مشكلت مانزلت ماسوت ماحطت وهذي كلها طبعا من ام زوجي
المهم انا مره توني عروس سويت صينية خضار بالفرن وبالاحرى توني اطبخ ونزلته لهم بعد ا ذوقته زوجي واعجبه وقالي توكلي على الله
المهم عرفت بعدين ان من نزلت الصينيه عليهم ارسلوها للسواق وما ذاقوها
ليه ماادري
جت عاد اليام اللي لما انزل عليهم تقول جني اللي داخل عليهم وانا اقعد ساعه اضبط مكياجي عشانهم واتضبط لهم وفي الاخير تقول مافي الا انا والبنات وشوله تتمكيجين البسي قميص عادي وانزلي وكانت تترقب نزولي على اي ساعه وش كان شكلي وش لون كانت ابتسامتي كاني في امتحان والمشكله انهم يستقبلوني بتكشيره وتقول لبناتها ياويل احد يسولف معها خلوها
وهذا كله بدايت الزواج على قولتهم ما شافو خيري ولا شري
المهم جاء يوم وتاخرت بالنزله
وهي ساعه من الوقت المعتاد ماقالت خيران شاء الله قومت الدنيا وقعدتها وقالت وين مرته الاوله اللي تغسل وجها عندنا وهي ابشركم كذابه الدليل بناتها يقولون ماكانت تطيقها وداااااااايم طقاق ولا تنزل اصلا الى من متى لمتى حتى ما امداهم يتعرفون عليها
ملحوظه حطوها في بالكم انها يوم تكلم امي قالت لها متى ماتبغى تنزل عندنا تنزل انا مانزعل حتى لو بعت تنزل مره بالاسبوع اذا اجتمعو بناتي الخميس انا عاذرينها
وهذا كله كان كلام تخيلو ماشفت احد وكانت عازلتني عن الناس ولاتبي تعرفهم علي واللي دريت عنه من ناس قريبه منها ان متمشكله مع جيرانها والسبب تافه ان في وحده منهم دخلت محتره من برا ونزلت المكيف وصادف انه كان عليها
واهل زوجها برضو ماتبيهم حتى ع الزواج ماعزمتهم ويوم خذاني ولدها اسلم على عمومته زعلت وماكلمته
يمكن 4 شهور وهو يترجاها وهي تطرده من البيت وهو ماله الا عمه وحده
ويوم رجعنا للبيت تخيلو طردتني وقالت اطلعي من بيتي والسبب ليه ماتنزل علينا كل يوم من تصبح لين تمسي
وتتاخر بالنزله وتكلمت عن امي وابوي كلام شين مع انها ماتعرفهم
ويوم طلعنا من البيت وبعت ذهبي عشان كذا ما كفاها وجت لبيتي وهزئتني وقالت انتي واهلك كلهم تحت رجلي واشرت على رجلها واسحب عليكم اكبر سيفون انتو مستوعبين وحده كبيره بالسن تتكلم بهالالفاظ
المهم انا جيت بسلم عليها اول مادخلت وقالت لا تسلمين علي وقامت تهزيئ
الله يعظم اجري
وكل بين فتره وفتره تدور الزله علي لدرجت قايله لبناتها لا تخلونها تدخل المطبخ معكم قولولها ماعندنا شي روحي اجلسي واذا جلست قالت انها ماتساعد بناتي وتنفخ وربي اعلم بكلامي وتقول اذا مالقت شي لما امزح مع بناتها وهم يمزحون معي انتي تستهترين في بناتي لو انهم من بعض خات الرجل كان طفسوك في الارض والمشكله ان البنات مازعلو واذا مزحو معي قالت يمزحون حتى وان انقلب وجهي من مزحهم قامت تضحك
وان على هالحال من 4 سنوات واهي اتدور عذروب فيني محد كامل بس والله اني اتحاشها بقدر المستطاع
ولا فاد واذا قعدنا شهر او شهرين متصافين ملت ودورت علي مشكله تلبسني ايها او هزئتني واهلي معي ابشركم مدري وش دخلهم وجا في خاطري ولا رحت قالت زعلت وتبي القطاعه تحسب كرامة الناس لعبه وكل المشاكل اللي تصير ماقلت لاهلي عنها ما ابي اضيق صدورهم وادري مو ساكتين عن حقي ولما اشتكي لزوجي يقول وش الحيله هذي امي وخواته نفس المشكله يقولون تعبتنا نفسيتنا اندمرت وهي دايم تهزئهم من دون لا اكون فيه طبعا وهي لما تهزئني تجمعهم اول بعدين تتفرد فيني مع العلم انها ما قد هاوشتني انا وياها لحالنا وكانت تجلس وتعطيني ظهرها ويوم عم زوجي توفا وانا حمل ببكري رحت وجت امي تعزي تخيلو قدام الناس وش سوت عطت امي ظهرها ولا سولفت معها وكلن انهبل من تصرفها وحمولتها طبعا توهم يشوفون امي ولا قدمت لها لاقهوه ولا مويه مع ان العزى في بيتها ودخلت المطبخ وقلت لبناتها وش جابها تخيلو الوقاحه اهي زعلانه من امي عشان ليه ماتتصل علي شف وانها قامت تسولف مع خواتي وتركتني وانها تقول بنجي يمك بعزيمه او بدون وامي قصدها تمون عليهم تقول انها هزئتني عند الناس شوفو العذر مع ان بناتها يقولون انها تغار من امك في كل شي وهي ماشافتها الا مره بالخطبه ومره بالزواج ويوم جت بتتزوج بنتها ماعزمت حتى امي
ومحتاره مابي اقول لامي اعزميها لين الله كنتب لاختي زواج وامي والله من دون مبالغه طيبه وعلى كل اللي شافته من ام زوجي بتعزمها بس ماابي اقلل احترام امي اللي اغلى من روحي والحين انا ماشفتهم من اسبوعين وكله منها رجعت تقول انها تستهتر في بناتي ومابقت كلمه ماقالتها عني وانا ساكته والمشكله يوم جيت اطلع قالت لا تسلمين علي كل اللي نبيه قلب ابيض وش رايكم بالمعاناة اللي انا فيها ابي راي سديد يدلني ع فعل الصواب تكفون ساعدوني