مشكورين يا عساااااااااااااااسيل

مرحبا لحن للقمر ...

اشجعك على هالخطوة عزيزتي

وانا عن نفسي عودت طفلي الوحيد ينام لوحده من عمر 5 شهور تقريبا او اقل

وطبعا كان زوجي معارض بالبداية لانه طفل رضيع بس انا تمسكت برايي لاني عارفة انه بعده

طفل وما يفهم يعني بيتعود ينام لوحده اما اذا كبر ساعتها مستحيل يرضى ينام لوحده


والكل بالبداية عارضني اهلي واهل زوجي وصديقاتي وتضايقوا مني كثير وقالو اني مب قد المسؤولية...وبعده وقت على هالشي يعني خليه يكمل 5 او 6 سنوات على الاقل ...


والحين الحمدلله صار عمره سنتين ونص ومازال على ماتعود عليه عكس عيال خواتي واخوات زوجي وصديقاتي يتمنون انهم اتبعوا مثلي وارتاحوا لان عيالهم بعد ماكبروا وصار عمرهم 3 و 4 و5 و6 مب راضيين خير شر ينامون لوحدهم ....


واناااااااااااااا مرتاحه من البداية واقعد واسهر واشوف التلفزيون مع زوجي بغرفة النوم والنور مولع من غير ماشيل هم ....


تحياتي

طيب كيف حبيبتي قصر الشوق؟؟
ندو n قالت طريقتها

وانتي؟
معقول قدرتي وهو عمره 5 شهور
أشوفها صعبة لأنه كل شوي يصحى

انا مع الاراء اللى تقول الولد ينفصل عن امه وينام فى حجرة لوحدة ... وانا شخصيا مطلعا اولادى التوام منساعة الولادة كنت انا وهما فى غرفتهم ولما كبروا شوية بقى عندهم 4شهور بقيت انيمهم وحدهم واضع جهاز بجانبى عشان اول ما يبكوا اقوم لهم على طول .... اصلى بعيد عنكم متعذبة مع بنتى عمرها الان5 سنوات وما زالت نايمة جنبى انا ووالدها برغم انى عملت لها حجرة الا انها مازالت فى حضن والدها ..زلزلك قسيت على قلبى شوية وعملت نظام صارم للولدين لانى تعبت من الدلع ومش معقول حنبقى 5 فى حجرة واحدة......

شوفي حبيبي...

انا من البداية عودته على نظامي وطبعا بعد مااستشرت اخصائية اطفال وشجعتني كثير

وانا اللي سويته معاه اني بالساعه 7 ونص او 8 اعطيه سريلاك بالقمح او اي وجبة ثانية

وعلى الساعه 10 اعطيه رضاعته وبالاخير وقبل ماينام يعني تكون الساعه 11 وهو بالغرفته


اعطيه مرضعة حليب واوقات احط معاه حبة بسكويت وبعده 5 دقايق اعطيه ماء وبعدها طبعا

يكون شبعان واخليه بالغرفة واطفي النور واطلع من الغرفة واخليه ينام لوحده ....


واروح اشوف التلفزيون ولما ارجع اشوفه ناااااااااااااااااااااااااااايم ....




حتى ولو عاند ومايبي ينام هم احط بالمهد واحط يمه لعبه يلعب فيها لين ماينام بس يكون

في مهده..



خلاصة الكلام حبيبي حاولي تشبيعنه قبل النوم وبما انه كبير راح يعاندج كثير ومابيرضى بسهوله واحسن حل تنامين معاه بالغرفة اول يومين بس اول ماتشوفينه نام طلعي من الغرفة

وحطي يمه جهاز يمكن باول الايام يقعد من النوم ويسير لغرفتج وانتي ماعليج الا انك تاخذينه

وترجعين معاه لغرفته ولاتفكرين تنومينه معاك على السرير حتى مايتعود وبالاخير صدقيني

راح يضايق ويمل وبيعرف مهما رجع عندك بيرجع مره ثانيه لغرفته ...


وسلامتك....