انا معكم بس كيف الطريقه

حياكم الله وبياكم خواتي في الله
مهاني 88
روح القدس
المنقوشه
شرفتونا.. ولي فهمتوا من الاخوات كل وحده تحاول تحفظ
جزء وتخبرنا ولوين حفظت وكم سوره حفظت
وبالنسبه للتسميع ياأنج تسمعين للعمرج او تخلين حد يسمعلج..
وانا والله اعني من هذه الذاكره المصديه يالله يالله قدرت احفظ سورة النباء اعاني الله واياكم على حفظ كتابه .. بارك الله فيكم خواتي وشدوا الهمه..

قولي لي الطريقه ابغى برنامج امشي عليه لأني عندي اطفال وزوج الله يحفظهم
الله يوفقك

حياج الله أختي المنقوشه
حبيبتي انا نفسج عندي زوج ويهال .. ومثل ماقلتلج يالله اقدر احصل لي وقت عشان أحفظ
اذا تبين نفس طريقتي .. انصحج تحفظين بعد صلاة الفجر واذاقبل الفجر بشوي يكون افضل
صدقيني أختي بالبدايه بتحصلين شوية صعوبه بس بالدعاء ان الله يعينج على حفظ كتابه والاصرار بتشوفين امورج تتيسر وتتسهل .. واهم شي ترتبين وقتج ... واذا شفتي عمرج فاضيه باي وقت اشغليه بالحفظ او تسمعين للعمرج .. واياج والسهر نصيحه من مجرب اياج
ربي يوفقنا ويسر امورنا بما يحب ويرضى ..

هلا خواتي

من كم شهر جاتني عزيمه غير طبيعيه ابي احفظ القران
المهم دخلت مركز تحفيظ القران وحفظت جزئين من القره وحفظ عن ظهر قلب ..... المهم اضطريت اطلع لان جاتني وظيفه وبكذا راحت العزيمه .... هذا الاسبوع احس اني نظمت وقتي وقلت برجع للحفظ وجلست اراجع جزء عم والحمد لله ... وهذاني ببدا بجزء 29 وبعدها 28 وهكذا ......

سؤالي دامي موظفه وعندي بنت وحامل كيف انظم وقتي في الحفظ ؟؟؟ وكيف اخلي عزيمتي متواصله ولا يقطعها قاطع


جزاكم الله خير