ابي احمل

السلام عليكم


اخباركم بنت


بنات بليز قولوا رايكم بصراحه مري انا مكبره السالفه لاني يمكن اكون حساسه

ولا الوضع من ج يزعل


عني بنت عمرها اربع سنوات ونص وي احمل خلاص مليت الصراحه خصوصا انها شقيه مره

قلت يمكن لو يكون معها طفل ثاني بالبيت تهدى شوي

المهم المشكله بزوجي بنات وش اسوي

كل ماقلتله وش رايك احمل يسكت مايرد عليه

وانا على طول اغير الموضوع لي سنه وانا انتظره يجي يقول ودي بطفل ثاني

عاندت نفسي سنه كامله علشان انتظره يطلب مني بس مافي امل


المهم انا خلص تعبت نفسيا لاني اشوف الرجال كلهم هم اللي يترجون حريمهم عشان يحملون الا انا


رجعت فتحت معه الموضوع كل مره يقولي كلام

مره يقولي انتي عصبيه وبنت وحده جننتك واخاف اقولك احملي وتعدين تتعبي وتقولي انت السبب

ومره يقول الاطفال مسؤاليه ويخاف مايتحمل مسؤاليتهم

ومره يقول انا اشوف بنت وحده تكفي مو ضروري نعبي البيت اطفال

بس هو يوم شافني صرت اعصب صار يقولي هذا حقك اذا تبين تحملين ماعندي مشكله مابمنعك

عادي احملي بس لسانه يقول شي ووجه يقول شي :44:

بالرغم من انه ملتزم ويخاف الله ويحبني مررره بس مدري وش مشكلته

ومره خواته فتحوا الموضوع وهو جالس قلت مو مني اخوكم مو راضي اني احمل

ويوم وصلنا البيت قالي انا مامنعتك ليه تقولي اني منعتك عند اهلي

اذا تبين عاي احملي مابمنعك واذا قلتله طيب وانت وش رايك قالي اذا تبين راي انا ماابي عيال بس ماراح امنعك هذا حقك

خواته يقولون ماعليك من كلامه الحين اذا حملتي وولدتي تشوفين كيف بيطير عقله

وقالوا شوفي كيف بينجن على بنتك

سالت اكثر من بنت يقولون عادي احملي وش عليك انتي منه اذا انتي مقتنعه ومستعده للحمل

احملي مو شرط يكون هو يبي ويقولون انه اذا ولدت بيحبه

وانا محتاره مركبه لولب وكل يوم ابي اروح افكه ومافي شي يشجعني كل ماقلتله بفك اللولب

يقولي اوك اوديك المستشفى وفكيه بس وجه مو راضي

ادري كلامي مخربط بس والله من الزعل اللي فيني والحيره

بنات الله يسعدكم دلوني وش اسوي محتاره حدي وشلون احمل وزوجي مو مشجعني

لو انتم مكاني وشلون بتتصرفون

بالله بنات وش رايك لو انتم مكاني بتحملون وشلون اتشجع للحمل وانا ادري انه ماراح يفرح فيه

خ