السلام عليكم
اسمحوا لي افضفض لكم من اول الصبح:27:
انا عندي بنتين الصغيره عمرها 4 سنوات وداايم تبي اخو اوقات حتى تبكي من جد كانها تبي لعبه مو طفل ومحدده بعد تبي ولد مو بنت :42: وهذا حنا على هالوضع .. وانا سبق وحملت واجهضت مرتين ورى بعض وطلع عندي مشكله الاجسام المضاده 250 نسبتها والدكتور مو مرتاحه معاه ماعطاني علاج قال ننتظر نشوف تنزل النسبه والا لا ..؟؟المهم انا واثقه بارداة الله فوق كل شي ..مشكلتي بصراحه رغم اني اشتاق لطفل الا اني اوقات كثيره اتراجع عن موضوع الحمل..والسبب بنتي هذي الا تبي اخو هي الي عقدتني ..من اول ماجبتها كانت دااايم تبكي ولا تنام ولا تخليني انام والله يابنات ولاساعه في الليل انام واظل معها لين الظهر واذا نامت متقطع وبسرعه تجلس وانا عندي مسؤوليات ثانيه ..تعبتني طوول 9 شهور وحتى لما عدٌت 9 شهور للان راسها خفيف بسرعه تجلس ونومها قليل وشقيه جددددددا ..كنت لما اطلع ابي اغير جو والله الكل يسمع صوت صياحها ..لا في سوبر ماركت ولا مكان تجمعات تشوف اطفال الا تبكي ولا تسكت لين ماضطر ارجع البيت :( صرت مضرب للامثال اذا طفل بكى يقولون مو مثل فلانه الا دايم تبكي ..لدرجة اني مره بكيت قدام العيله ..كنت رايحه وكثير فيه اطفال وهي تبكي والكل يسأل شو فيها اقول هذا هي كذا ومتعجبين حاولوا يسكتوها من يد ليد ياخذوها ولا سكتت وزهقوا وعطوني اياها وهي تبكي ماتسكت خنقتني العبره وبكيت :06: قدامهم وانا ماحب هالموقف بس غصبا عني من الي عايشته لا في البيت كنت اجلس ولا انام ولا في طلعه الا مزهقتني ..بنات للان نفسيتي تعباانه على التجربه الي مريت فيها للعلم بانها للان متعبتني بشقاوتها لكن على الاقل اقدر اجلس ..انام ..مو مثل قبل ..ومازلت اتذكر الاحداث الي مريت فيها ماكانها كبرت وعمرها 4 سنوات كاني توني اعيشها ..تعقدت وكرهت التربيه ..رغم اني احب الاطفال مرره وكلما اطلع واشوف طفل والله نفسي امسكه واحضنه ..لكن عن نفسي متعقده وخااايفه لشكل غير طبيعي ..الحين من اخر اجهاض تقريبا سنه او اقل ولاني متجرأه اني اعيد التجربه اخاف احمل ..اخاف اعيد تجربة المعاناه ..ماتتصورون للان لما اتذكر ال يعشته جسمي يرتجف واطرافي تصير بااااارده من التوتر والخوف ..الي عشته مو قليل ..عندي زوج يبي مني اهتمام حتى هو ذيك الفتره زهق وظل يقول مو وضع هذا الي عايشينه وانا وش ذنبي؟يقولي انا بعد وش ذنبي اعيش كذا ..الغذا متأخر ..انا داايم تعبانه من قلة النوم والارهاق ..:44::icon33: ..زوجي جدددا متطلب ويبي اهتمام فيه زاايد ويبي اهتم بنفسي كثير .. انا مازلت تعباانه ..لان بنتي الصغيره الا تبي اخو داايم تتعمد تضايقنا ..مو مخليه شي الا مكسرته وتروح لاختها وتطقها وتاخذ اغراضها ..كلما مرتب تروح تعفس وترمي الاغراض ..اذا مالقت شي تروح تسحب كرسي والا طاوله وتركب فوقها عشان تطال وتعفس وترمي ..عنيده ومسيطره وهي الي تتحكم بلبسها وفينا ..كلل هذا واقول اهون لي من لما كانت صغيره ..بنات قولوا لي معاي حق اخاف واكره الحمل والتربيه ؟؟رغم ان زوجي يبي لاني مو بصغيره ولا هو صغير ويبي الحين طالما انا عمرنا يسمح ..لكني كثيير خايفه ..وكلما افكر اني اكمل علاجي كلما اتراجع لورى واجل واتحجج ان يبي لي علاج رغم اني اقول جائز لو حملت والله كاتب لي ممكن يثبت بارداة الله مثل ماانجبت ثنتين ..لكن الخوف هو الي مسيطر علي ..:44: شنو رايكم بنات ؟
لينا وعدنان @lyna_oaadnan
محررة ماسية
يلزم عليك تسجيل الدخول أولًا لكتابة تعليق.
انا حملت واحسني اتاخرت على بنتي
قسم بالله تعب انك طولين بين الاطفال واكبر غلط يجلس الطفل لحاله
ماتعلم غير الدلع والانانيه عايش ان كل شي له لوحده
انصحك تتعالجين وتطلبين من الله يرزقك الان كل شي بيد الله
والا تنتظرينها تكبر والا تعقل ترا عندي وعندك خير بنتي مجننتني
قسم بالله تعب انك طولين بين الاطفال واكبر غلط يجلس الطفل لحاله
ماتعلم غير الدلع والانانيه عايش ان كل شي له لوحده
انصحك تتعالجين وتطلبين من الله يرزقك الان كل شي بيد الله
والا تنتظرينها تكبر والا تعقل ترا عندي وعندك خير بنتي مجننتني
ارقي بنتك واقري الفاتحه في ماء وشربيها
بنتي كانت حبوبه
بس ذلحين مثل بنتك تقريبا
عسلوفه عنيده ماتسمع الكلام تحكم حتى في لبسها تظربني انا وابوها
الله يصلحها
والله كانت هاديه وحليوه وتسمع الكلام بس مدري وش غيرها
بنتي كانت حبوبه
بس ذلحين مثل بنتك تقريبا
عسلوفه عنيده ماتسمع الكلام تحكم حتى في لبسها تظربني انا وابوها
الله يصلحها
والله كانت هاديه وحليوه وتسمع الكلام بس مدري وش غيرها
مشكوورات بنات ..
انا بنتي الشقيه الله يهديها مو لحالها عندها اخت ولا مخليتها في حالها تتحرش فيها وتضربها رغم ان اختها اكبر منها بـ 4 سنوات ومع ذالك تطقها والا تعاندها والا تاخذ كتابها اذا تذاكر وتزعجها والا تجبرها ياتلعب معها ياتطقها ..بس تبي ولد صغير الله يعيني خايفه لا يطلع مثلها كثير الصياح وخايفه لا هي ما تتركه في حاله ..اذا طلعت معها وشافت طفل خلاص تعسكر جنبه وتبي تحمله طول الوقت .. لكني عاايشه بخووف ..مادري وش اسوي ..
انا بنتي الشقيه الله يهديها مو لحالها عندها اخت ولا مخليتها في حالها تتحرش فيها وتضربها رغم ان اختها اكبر منها بـ 4 سنوات ومع ذالك تطقها والا تعاندها والا تاخذ كتابها اذا تذاكر وتزعجها والا تجبرها ياتلعب معها ياتطقها ..بس تبي ولد صغير الله يعيني خايفه لا يطلع مثلها كثير الصياح وخايفه لا هي ما تتركه في حاله ..اذا طلعت معها وشافت طفل خلاص تعسكر جنبه وتبي تحمله طول الوقت .. لكني عاايشه بخووف ..مادري وش اسوي ..
وشرأي زوجك؟؟؟
اذا قال بعدين وشلك بالحمل وعوار الرأس ...اما اذا ماعنده مانع توكلي على الله لكن عالجي. احسن حتى لايتكرر معاك الاجسام المضاده وتتسبب بالاجهاض
وبعدين مو كل الاطفال سواء صح متعبين وتريتهم صعبه لكن بعضهم يكون اهدى شوي واصابعك مو سوا
اذا قال بعدين وشلك بالحمل وعوار الرأس ...اما اذا ماعنده مانع توكلي على الله لكن عالجي. احسن حتى لايتكرر معاك الاجسام المضاده وتتسبب بالاجهاض
وبعدين مو كل الاطفال سواء صح متعبين وتريتهم صعبه لكن بعضهم يكون اهدى شوي واصابعك مو سوا
الصفحة الأخيرة
حاولي تشيلين الخوف من قلبك
بما انك تقولين انكم مو صغار وبنتك ما شاءالله كبيره 4 سنين كثير
حاولي تتعالجين ما تدرين متى ربي يكتبلك الحمل يمكن وعمرها 10 سنين او اكثر
انا ما اخوفك بس ترى الرجال يخوفون بكره لو كبرتي اكثر وانت ما جبتي الولد .........
وسامحيني على الاسلوب
بس والله الرجال ما يندرى عنهم يحبون الاولاد