عواطف تركي . :

تتكلم وكأنك ضامن موافقة البنت مع انها ممكن ترفضك مثل اللي خطبتهم قبلها وربما اصرارك على خطبتها نابع من شعورك باليأس والاحباط بسبب اللي تقدمت لهم ورفضوك وفي اللا وعي تعتقد ان هذي البنت راح توافق عليك بدون تردد لان فيها عيب المرض الوراثي رغم قناعتك التامه انك ماتبيها واكبر دليل على عدم قناعتك بالزواج منها انك متردد ولك اسبابك سواء المرض او رفض الاهل كلها مؤشرات تلعب ضد هذا الزواج وترى الزواج ماهو طاير والرفض مو اخر الدنيا ولا يعني ان فيك عيب او نقص عشان تركض تبي تتزوج أي بنت بس عشان تتخطى مشاعر الرفض ثم بعدها بتصحى من الغفله وتشوف الواقع بعين ثانيه انا اشوف ان النصيب المقدر لك لسه ماجاء وقته فلا تستعجل وتستنزف مشاعرك وطاقتك في طاري الزواج وتعيش حالة ضغط والنتيجه انك تكون متشوش ومتخبط ذهنياً وعاطفياً وتتخذ قرارات غلط خذ فترة نقاهه وشيل فكرة الزواج من راسك الى ان تستقر نفسيتك وفي جميع الاحوال مافي افضل من الاستخاره وانك تسأل الله اذا كان في الامر الفلاني خير ان يتممه وان كان فيه شر وضرر ان يصده ويمنعه لان محد فينا يعلم الغيب سواء تقدمت لبنت مافيها مرض او كنت عارف ان فيها مرض كل هذا مايعطي ضمان للمستقبل واللي راح يحصل فيه وفي شخص من اقاربي تقدم لكذا بنت ورفضوه وشال الفكره من راسه سنه وعاش حياته وكل ماجابوا له طاري الزواج يقول هين لاحقين وانا ما افكر بالزواج سنه قدام وفعلاً ريح دماغه الى ان ربي يسر له النصيب المناسب كل شي بالحياه ممكن ناخذه مجامله وتصبيره الا الزواج لانه رباط مقدس يبقى طول العمر وماراح اتكلم عن صعوبة تربية طفل مريض والعنايه به وتوفير له حياة كريمه وانك تكون له اليد والرجل والاصابع اللي تلازمه طول العمر لان الشخص الناضج الواعي مايحتاج احد يشرح له ويفهمه حجم المسؤليه اتجاه روح ثانيه يجيبها للحياة

تتكلم وكأنك ضامن موافقة البنت مع انها ممكن ترفضك مثل اللي خطبتهم قبلها وربما اصرارك على خطبتها...