ابي ارتب بيتي واخليه رومانسي ساعدوني

هلا رزان
ان شاء اننا نساعدك بس اول شي حبيبتي ايش لون غرفة النوم والصاله
اهم شي في البيت ويعطيه الجمال
1- اللوحات وعلى حسب موديل الغرفه اذا كانت الغرفه مودرن اختاري اللوح اللي من غير برواز يعني ماتكون غرفه كلاسيك وتدخلي معاها شي مودرن
2-الشموع كفايه انها تغير الغرفه بكاملها حطي على التسريحه بااحجام متفاوته وشي على الكوميدينه وتجي شمعدانات جداريه تتعلق على الجدار حطي وحده عن عن يمين السرير ووحده عن يسار السرير
بالنسبه لي تغني عن الاباجوره في شمعدانات طوال تلقيها عند سيتي بلازا حطيها جنب التسريحه اذا في مكان
3-الورود المجففه وشي يجي معطر انثريها على التسريحه بشكل عشوائي بين العطور والكريمات
وجيبي من الفازات اللي على كاسه او اي شكل يعجبك طبعا زجاج وتلاقيه في محلات التحف مليها ورد للنصف تقريبا وحطي عليها شموع صغيره منظر فقط ونفس الورود رشي عليها من عطرك المفضل او جيبي بخاخ ابو ريالين ومليه مويه عاديه او موية ورد وجيبي من الزيوت العطريه المركزه وخلطيها مع بعضها من غير مقدار ورشي على الورد ورشي في الغرفه كلها
4-مفرش التسريحه شي اساسي ويعطي منظر خيالي للتسريحه بشرط انه يكون حلو ومتناسق مواي مفرش نحطه ونقول خلاص لأ طبعا
فيه اللي يجي تطريز هندي هذا روعه وفيه الساتان والشيفون واللي تقدري تطعجيه وتعكرشيه على كيفك>صار شعر مو مفرش
واكثر البنات مسوينه في المنتدى وادخلي موضوع حق الاخت روعه عن التسريحه والبنات حاطين صور لتسريحاتهم
5- ترتيب التسريحه جيبي من الصناديق الجلد روعه اللي كانها صندوق كنز مثل اللي في افلام الكرتون>معليش عديها مع اعرف اوصف الا كذا
وحطي فيها الكريمات والعطور والبكلات والحركات اللي قلت عليها من ورد وشموع وتجي التسريحه مرتبه وفيها الاشياء الضروريه
اما اذا ماتبغي زي كذا بس حطي العطور في تبسي فضي او ذهبي على حسب لون غرفتك وحطي فيها عطورك وجيبي سله او سبت ملبس وحطي فيه كريماتك وسبت صغير مثلا للارواج اذا كنتي تستخدمي مكياج يوميا
وهذا اللي عندي وان شاء الله البنات يساعدوكي اكثر

الله يعطيك العافيه اسيرة عيالها والله ان نصائحك من ذهب وبسيطه وحلوه بعد الله يوفقك

عزيزتى ......سوى بحث فى هالقسم عن غرف النوم وغرف الاستقبال وعن البيت بشكل عام وتفرجى على الصور بتمعن وحاولى انك تطبقين بعض اللمسات اللى تشوفينها.
وترى اهم شى فى البيت الترتيب وبعدين يجى الديكور والاكسسوارات.يعنى مايكون فوضى ويكون كل شى فى مكانه الصحيح ومصفوف بطريقه مرتبه عشان يسهل عليك تحصلينه اذا احتجتيه .
بعدين لازم يكون البيت نظيف ودايم ريحته منعشه باستعمال البخور او الروائح الصناعيه .
وبعدين تصفحى المواقع وتفرجى على الصور وطالعى مثلا غرف النوم وشوفى وشلون مزينه ووش الاكسسوارت اللى تحتاجها غرف النوم وحطى جنبك ورقه وقلم وسجلى الاشياء اللى اعجبتك وودك تشترين زيها وهكذا ............
وترى النباتات الداخليه سواء الطبيعيه او الصناعيه تعطى للبيت منظر عجيب وراحه نفسيه .
ايضا الاضاءه مهمه عشان كذا حطى ابجورات فى غرفة النوم والصاله تعطيك نور حلو وجو رومانسى .وابتعدى عن الاضاءه القويه اللى تتعب العين وخاصه فى غرفة النوم .
وارجع مره ثانيه واقول تصفحى مواقع منزليه وترى الصور بتفيدك كثييييييييييييييير .

اهم شيء البساطه وتكون الالوان متناسقه
التسريحه حطي الاشياء المهمه لا تخلى الميك اب كله عليها بس الاشياء المهمه
العطور الفخمه المهمه
اكثري من التحف المعلقات الاباجورات الزرع الاخضر





¯¨'*•~-.¸¸,.-~*' ¯¨'*•~-.¸¸,.-~*'
رشفة حنين ¯¨'*•~-.¸¸,.-~*' ¯¨'*•~-.¸¸,.-~*'
¯¨'*•~-.¸¸,.-~*'رشفة حنين ¯¨'*•~-.¸¸,.-~*'

اذا عندك جوال كاميرا...او ممكن تستعيرينه من احد..وتصورين البيت عشان نقدر نساعدك..

واذا ماتقدرين,,,اقتراحات البنات حلوة..

وشوفي بيوت العضوات بتعطيك افكار جديدة...