ابي ارتب محفظتي لمدة شهرين او ثلاثه ممكن تساعدوني؟؟

اخواتي هوامير المستقبل

ابي اقولكم عن تجربتي في الشهور الثلاثه الماضيه بمااني مبتدئه وماهي الاخطاء والدروس اللي تعلمت منها

اول شهر نوعت في الاسهم بمحفظتي بحيث ان أي قطاع يتحرك تكون عندي شركه فيه والحمدلله نجحت وكسبت خير

الشهر الثاني قررت اغير وجلست على شركه وحده بس كل ماشفت السوق يتحرك وشركتي نايمه انقهر وارجع ابيع وادخل بغيرها ويتكرر نفس الكلام بالاضافه الى نزول السوق وقتها ولاني ماكنت اتابع السوق بشكل جيد لسفري استعجلت وبعت بخساره جامده تقريبا ثلث راس مالي

وبعد اسبوعين رجع السوق مثل اول واحسن

بس للاسف انا رجعت بخساره كبيره في المال والحمدلله الفلوس تروح وتجي
والحمدلله تقريبا قربت اعوض خسارتي

بس تدرون كان درس حلو استفدت منه
- الصبر وعدم البيع بخساره ولو كانت ريال
- التنويع في الشركات"لاتضع البيض في سله واحده"
- الاستثمار افضل من المضاربه لان المضاربه تحتاج الى خبره وراس مال قوي ومصادر
- ان لا ادخل السوق وانا مشغوله او مسافره او تعبانه طبعا الا الاستثمار لانه مايحتاج لمتابعه دائما اذا كانت الشركه قويه ومافي خوف منها

حاليا انا مقرره اوزع محفظتي على كذا شركه وانساها لمدة شهرين لاننا كما تعملون مقبلين على عام جديد وودي اتفرغ لابنائي ومذاكرتهم لانهم مقبلين على مراحل جديده(اول ابتدائي واول متوسط وسادس وثالث)
بس محتاره بأي شركه اخذ ؟؟؟؟

عسير؟؟
الخزف؟؟
الاسمنت السعودي؟؟
اسمنت تبوك؟؟
طيبه اكيد..توصيه الذهب ام نولين
البلاد؟؟
الغاز؟؟
اتحاد الاتصالات؟؟
القصيم الزراعيه؟؟
ثمار؟؟
الغذائيه؟؟
مكة؟؟
اللجين؟؟
الصحراء؟؟

ودي برايكم لتعم الفائده للجميع