ابي ارجع علاقتي فيها

بدخل بالموضوع
عندي قريبه لا مو قريبه اخت اعتبرها
الوحيده من كل اقاربي اللي عشت واكلت ونمت وشربت
وكل اسراري عندها ٣٠ سنه مع بعض
الى قبل كم شهر سافرنا ولا اهرف ولا ارتاح انا بغرفه مع احد غيرها
قبل كم شهر حصل موضوع تافه
بيني وبينها بسبب رساله بالواتس بين امها وامي
وكبر وكل وحده
قامت ع قولت امها ترش الثانيه
انا ماجيته هي الله يعديها االي جتنا وتلفضت
وانا رديت عليها هي اغلطت علي
لكن انا كان اسلوبي حاد معها وقوي
لدرجه قالت لي انا منصدمه
من ردت فعلك انا شفت نوسا ثانيه
بحياتي وعمري ماشفتها شكلك كاتمه علي!!
انا لما هديت بعد كم يوم
اشتتتنتتتتقت لها هي مو بس مجرد قريبه
هي اختي تعرف كل شس عني تعرف اسراري
طييييييييبه لابعد حد معي
لكن ابليس لعب فينا
انا اعرف نفسي انا انسانه هاديه وطيبه
لكن اذا عصبت انقلب وحده ثانيه
حتى مع اهلي
وهي اول مره نشوفني كذا
وسويت شي مايغتفر
وكلن نقدني ليش سويت كذا
عايرتها او بمعنى اخر تمننت عليها
بمعروف وهدايا جبت لها
قلت لها انا سويت لك وحطيت لك وماحد
عبرك بيوم تخرج وحفلات غيري
وهي قالت تمنين علي!!!!!
انا حسيت اني جرحتها وكارهه نفسي
بس قسم بالله مو قصدي اتمنن لكن
لما تشوفين شخص ينسفك وينسف معروفك
عشان غلطه بسيطه وينكر كل شي
غصب بتذكرينها وش سويني لها
انا بقابلها بالعيد
بعد انقاطع دام اكثر من ٤
شهور
واحس لي ٤ سنين عنها 💔💔💔💔💔
فاقدتها وفاقده كل شي فيها
حنا مكبرين روسنا هي مكبره راسها
ولا تبي تكلمني وانا اشد
منها
مسويه نفسي ماتهمني ولا ابيها ىلا اسال عنها
لدرجه
دايم اطلع مع خواتها
كافيات ومطاعم
وهي ماتجي وانا افقدها
واتعمد اسوي نفسي ماتهمني ولا اجيب طاريها
شايله هم العيد مدري كيف بسلم عليها
مدري وش اسوي احس بصير صنم
مالي وجه اتكلم معها وهي نفس الشي
هي شافت امي قبل تقريبا شهر
وسالت عني وقالت وين فلانه ماجت وامي صرفتها
وانا كنت ماجيت ببيتهم لاني مكبره راسي
ولا عنذي استعداد اقابلها وهي سالت امي عني
لو بمكاني وش تسون
فيه امل ترجع علاقننا زي قبل💔💔
لان هي مو مجرد قريبه علاقتي رسميه
معها هي اخت واكثر والله
انا اللي قاهرني ومتفشله
منه انها فهمت اني اتمنن واعايرها
بالمعروف
وهذا اللي ذابحني
حسيتها انجرحت لما قلت انا سويت لك وحطيت لك
مدري وين كان عقلي لما سويت كذا
قسم بدون شعور