ابي ارجع لزوجي وكلهم واقفين ضدي

مرحبا خواتي 
مشاكلي كثيرة انا نزلت مواضيع قبل كذا في مشكلتي واللي تنحصر في سوء معاملة  زوجي لي وعدم احترامه وتصريحه بطلاقي عند أهلي الامر اللي خلاهم ياخذوا منه موقف صعب ومني انا ما احترموني وبدوا يسمعوني كلام يسم البدن هو له محاولات كثيرة بالرجعه بس ما كانوا يعلموني يكتفون بقولهم هي خلاص ماتبيك وانا ما دري عن شي وويتكلمون عليه ويتكلم عليهم حاولت ابين رغبتي الشديدة برجوعي له قامت القيامة حتى عرضي تقدفو فيه طبعا ها لكلام بعد ما جاب فتوى بعدم وقوع الطلاق والعذاب مستمر انا فقددت ظلاله لو كان يعاملني بقسوه ويهجرني ويسافر ويخليني بس انا احبه وروحي متعلقه فيه زي ماهو يحبني 
هم مصرين على الطلاق وانا مالي رأي بالمساله كلها صار الخلاف بينهم هم وياه وانا حطوني على جنب كل الفترة اللي راحت رغم صعوبة الايام اللي عشتها مع زوجي اهانات وضرب وعدم نفقه وبيت الا انها أصعب محد معبرني حاجاتي واغراضي محد يجيبها لي محتاجة المستشفى مرررة بس الكل خذلني وان رحت مع اخوي الكبير زوجته وبنته سببن له مشاكل ليه يأخذني مع انه طيب هو بس ما ودي ادخله بمشاكلي لانه سبق تدخل وصار له مشاكل كثيييرة
الخلاصه انا ودي ارجع لزوجي بشروطي اللي اكتبها عليه وقدام الشيخ وكلهم ضدي محد معي حتى ان واحد من اخواني هددني يدفني وانا حيه يغسل العار 
زوجي وعدني يفرش الشقه وينفذ كل شروطي قبل فترة برسالة بجوالي حتى جوالاتي غيروا ارقامهن الكل يتهددني وانا بدوامة مدري احل مشاكل نفسي ولا احل مشاكلهم طول وقتي منطويه وحزينه عجزت اطلع من ها لشعور صعب علي اصدق طلاقي منه احس خلاص الموووت ارحم
لاحد يظن كلامي ذا تبرير ودفاع لزوجي بس انا اقول اعطيه فرصه أخيرة دام هو عنده رغبه واشترط عليه قدام الشيخ كل شي قصر علي فيه  واي لفظ بالطلاق يقوله بعد كذا يعتبر طلاق نهائي دلوووووووووني وش اسوي لو وحدة عندها رقم مصلح ترسله لي بالخاص تكفوووووووون لاتنسوني من دعواتكم