ابي ارسم حواجبي وابيكم تساعدوني

اذا كنتي مشقرة حواجبك انصحك لاتحطين عليها شي لانة يخلية اشهب وشكلة بايخ 00000نصيحتي تشقير فقط

اختي في طريقة اسهل وارتب ولا في داعي للنمص والبلاوي السوده

اول شي..... لازم يكون عندج ايشدو لونه ابيض او قلم كحل ابيض اذا ما عندج سئلي اي محل مكياج وقوليلها ابي ظلال ابيض الي ينحط تحت الحواجب مباشره وهي بتعطيج ظلال ابيض بلمعه او قلم ابيض

انزين وبعدين لازم يكون عندج قلم رسم الحواجب وهذا بعد اكيد تطلبينه اذا سرتي المحل بس طبعا ما يكون لونه اسود ترى شكلج بيطلع مب حلو خذي لون يكون قريب من لون عيونج يعني من درجات البنيات

وثالث شي لا بد من انه يكون عندج فرشه او مشط للحواجب عشان تمشطينهم صح

المهم الخطوات
1 هاتي الايشدو الابيض وزعيه تحت الحاجب مباشره طبعا مش على الجفون بس كأنج ترسمين خط تحت حواجبج وزيعه بطريقه خفيفه بيدج بس مثل ما قلتلج المنطقه الي تحت الحواجب بس مش الجفن لان الجفن يتوزع عليه اي لون ايشدو تحبينه

2 بعد ها الخطوه هاتي قلم رسم الحواجب وا ابدي ترسمين الحواجب يعني تحدينها بس انتبهي تملين الحواجب لا خفيف بس حاولي تملين الاماكن الفارقه

3 اخر خطو تيبين فرشه ايشدو وتوزعين اللون الي رسمتيه على عواجبج على الحاجب كامل يعني مش تكتفين برسمهم بس لا لازم يتوزع اللون على الحاجب واخر شي مشطيهم


والله لو انتي موجوده وياي جان راويتج الطريقة عملي بس شو بنسوي على العموم انتي جربي ترى ما تاخذ وقت والطريقة وايد وايد سهله

مشكوره بحور الصمت على الشرح
:27:

ليش تخفون حواجبكم أحس إن الحواجب أحلى يوم تكون طبيعية:27:

يعطيكم العافية

وماقصرتي بحور الصمت

قطوةانا ما اخفي حواجبي لكن اذا حطيت مكياج لازم يصير عليها ويطلع شكلها كانة شيب وان ما انمص ولا اشقر

عشان كذا احتاج لرسمها بصورة حلوة