ابي ارضع بنتي من صدري

اذا تقدرين تسيرسن المستشفى اللي ولدتي فيه.. بيكون عندهم Lactation Consultant اللي ممكن تساعدج بهذي المشكلة... و المفروض انج ما كنتي تعطينها اي شي صناعي مثل زجاجة الحليب او اللهاية الا بعد 6 اسابيع علشان يقوى عندج هرمون الحليب و ينزل لج حليب كثير.. الحين لازم تقطعين عنها الزجاجة الصناعية و تخلينها ترضع من صدرج من 8 الى 10 مرات في اليوم .. كل ساعة و نص الى ساعتين بالنهار .. و كل 3 الى 4 ساعات بالليل.. بحيث تخلينها على صدرج مدة 20 الى 45 دقيقة على صدرج... حاولى تحطينها على صدرج لما تكون هادية او لما تبدى تصحى من النوم... و اذا قامت تبكي هديها و حاولي مرة ثانية... و خلي ايمانج بالله قوي.. و اصرارج على الرضاعة الطبيعية كبير.. و انشاء الله في خلال 3 ايام بتقدر بنتج ترضع طبيعي.. بس قبل لا تحطين بنتج على صدرج حفزي الحلمات بفركها بشوية زيت زيتون علشان تكون نافرة و تقدر بنتج تمسكها.. و تأكدي انها تمسك الحلمة كلها و السواد كله داخل فمها.. لا تخافين علها من الجفاف او الجوع بإذن الله بتنجحين بس ثقي بنفسج كأم و بصدرج و حليبج وهو أهم شي و أحسن شي تعطينه لبنتج لانه من صنع الله سبحانه و تعالى.. والله يوفقج... بس المرة الياية لا تغلطين هالغلطة...

نسيت أسألج اذا كانت الحلمة عندج داخلة او مقلوبة.. Inverted Nipple .. في هالحالة لازم تشفطين لمدة دقيقة لين ما يبدا الحليب ينزل عشان تبرز الحلمة و بعدين تعطين بنتج صدرج عشان ترضع...

حبيبتي والله خليتيني ازيد باصراري على اني ارضعها بس اهي تبكي لما ولا تسكت اذا عطيتها صدري او تنام وهي علي صدري وانا الحلمه عندي صغيرة مع ان صدري كبير بس ما ادري شنو اسوي وان شاء الله بسوي اللي قلتيلي عنه والله يسهل علي ان شاء الله

ومشكوره حبيبتي والله يوفقج ويسهلج بكل خطوه تخطينها وبارك لج آمين يارب

ايه حبيبتي الحلمه عندي داخله

ام لجونه
اكثرى من السوائل ليزيد الحليب
وممكن تستخدمى الحلمة الصناعية التى توضع على الثدى لتسهل على الطفلة الرضاعة