ابي اروح حق اخوي بس امي ما تبي احد يكلمه

مرة امي واختي راحو عند اخوي زيارة وهو ما فتح لهم الباب ودقوا على جواله ولا رد بعدين رجعوا بيتنا وقالوا انه متكبر وشايف نفسه عليهم قالوا لان سيارته كانت يم البيت ولا فتح لهم يعني هو موجود وخالتي دقت عليه يوم العيد ثلاث مرات ولا رد عليها ولا رجع اتصل لا. عليها ولا على امي
انا قبل كم يوم كنت في السوق وشريت هدايا له وللحين ما عطيته اياهم وامي واختي من صارت السالفة قالوا طنشوه خلوه يحس انه وحيد وانه بدوننا ما يسوى شي طبعا سالفتهم صاير لها اكثر من سنة وخالتي يوم صار لها الي صار خبرتهم وهم قالوا لها هذا طبعه ما يرد على احد
الزبدة انا قبل كم يوم سلمت عليه وعايدت عليه واتس ورد في نفس اليوم وبعدين قلت له اذا انت فاظي وزوجتك فاظية ابي اجيكم زيارة عطاني موعد مناسب له الي هو اسبوع الجاي نفس ذا اليوم وانا ابي اروح له من زمان ما شفته ومن زمان ما شفت ولده
واحنا اصلا مو في كل الاعياد نشوف بعض يعني ذا العيد ما جانا