الرسالة الأصلية كتبت بواسطة روح الوفـــا »
البنات ماقصروا
بس حبيت اقولك اذا بغيتي سواقين مجربين ااامري وكلهم نحاسبهم بالساعه ب20 او 25 رينقت
امانه ارسلي لي ارقامهم

انا بروح بعد شهرين ان شالله ابي حجز فنادق ساعدوني

الله يوفقك والاخوات ماقصروا عطوك المفيد واذا رجعتي طمنينا عليك وعلمينا كيف السفره

سكن الليل موقع المسافرون فيه معلومات شافيه وافيه وحتى طريقة الحجز

مثل ماقالو البنات اذا كنتي بتروحين لاماكن بارده خوذي معك جاكيتات شتويه لانها رحله بس نهار باليوم وترجعون ...

واما كوالا لمبور واظن الباقي حر حر حر حر ورطوبه ،،



رحلــــــــــــــه سعيـــــــــــــــــــده ...

الله يوفقك يارهوفة ااااااااااااااااااااااااااااااااااااااااه ذكرتيني بماليزيا وقلبتي الاوجاع الحلوة
اما قولك زوجي مطوع ومايبغى مايوهات ماتجي انا عانيت من هالناحية كثييييير لان عندهم تفسخ عجيب من قبل الصينيات مو الماليزيات لا والله انهم محترمات يعني اذا بتروحون الفنادق الراقية مثل الصنوي لاقون والبارك رويال لااااااازم من هالاشكال لكن الله يعينك
اختي ودي ماتفوتين عليك سوق اسمه الماينيز يجننننن واسعاره جدا رخيصة يعني عندهم بلايز وبناطيل على 15 و20 لانه سوق شعبي اسعاره رخيصة وبالتوفيق ان شاءالله وادعيلي اروح ماليزيا بالصيف
بنت اصيلة

حبيبتي أولا تروحي و ترجعي بالسلامة ..
و الله ذكرتيني برحلتي العام الماضي سافرت و كان معايا بنتي و ابني و كانو في نفس أعمار أولادك تقريبا . الله يبارك لنا فيهم ..
بالنسبة للأشياء اللي تاخديها معاكم طبعا أدوية احتياطية و الصراحة أنا ما خليت شي حتى تبع الاسعافات الأولية و إن شاء الله ما تحتاجيها ..
بالنسبة للجزم الله يكرمكم أنا أخذت لهم جزمة سبور و صندل خرجات و شبشب يلبسوا لمن ينزلو على المسبح أو البحر ..طبعا نفس الشي بالنسبة ليا و لزوجي .
اللبس خديه كله صيفي .. في حال كنتو رايحين لجنتنغ أو كاميرون خديلهم لبسين شتوي و جاكيت ..
طبعا لا تنسي ملابس السباحة مايوهات و نظارات و عوامات ..
أنا كمان أخدت لهم ألعاب رمل و كور و أخدت كمان دفاتر تلوين و ألوان خاصة في الطائرة لأنه الرحلة طويلة و عشان لا يملو و يمللوكي ..
بالنسبة للأكل طبعا إذا في نوعية حليب خاصة أو عصير يحبوه أولادك شيليه معاكي ..
إضافة لأنه أنا أخدت معايا أشياء بسيطة مثل الكورن فليكس و كيك و شابورة و بسكويتات لأنه أوقات تكوني في الفندق و ما فيكو حيل تخرجوا فالأشياء هادي تفي بالغرض ..

بالنسبة للالتزام يا قلبي كلنا ملتزمين إن شاء الله و المسخرة تدخل لبيوتنا بالفضائيات لكن لأنه ربنا أنعم علينا بنعمة الاسلام ما نتفرجها نفس الشي لمن نروح على البحر إذا في شي منو عاجبنا نغض البصر عنه ..
على العموم من سفراتي لماليزيا تعلمت حاجة إنه لمن نبغ ننزل على البحر ننزل بعد الاشراق مباشرة أو على العصرية لأنه هادي الفترة يقل فيها الازدحام عند الشاطئ لأنه الأجانب يحبو الشمس .. الشي التاني شواطئ لنكاوي هادئة و رايقة و ماتلاقي فيها زحمة و كمان حسب الفندق اللي انتي نازلة فيه ..

بالنسبة للأما كن السياحية أنصحك بزيارة منتدى العرب المسافرون منها تتطلعي على رحلات الأخوان و منها تتعرفي على المميزات و العيوب و كذلك تعرفي على أهم الأماكن السياحية و الأسواق ..

رحلة موفقة حبيبيت و ترجعو بالسلامة ..