كيفكم حبايبي وأخواتي في الله ؟؟
ما ادري كيف أبداء بس بادخل بالموضوع ع طول وأتمنى تفهموني :44:
المهم هذه السنة ربي رزقنا أنا وسلفاتي ثنتين وحماتي أخت زوجي بالحمل حتى كنا نقول لبعض الشاطرة إلي تولد الأول هههههههههههههه و أنا حصلت على المركز الثاني
والحمد لله كلنا ولدنا بالسلامة وما بيننا إلا أسبوع او أسبوعين ولدنا ورى بعض المهم أنا ولدت وجبت بنت وماتت بعد 20يوم من ولادتها والحمد لله إن شاء الله إني من الصابرين
وبعد أسبوع بأخلص الربعين وباروح لحماتي زيارة لانها نفست بعدي والله ماادري كيف أزورها أخاف إذا شفت بنتها تخنقني العبرة وابكي أتذكر بنتي :icon33:
مع انه الحمد لله ما قد شاف احد دمعتي اخاف اخربها إذا شفت المولودة وتنقلب الجلسة من فرح إلى نكد
وكمان آخر الأسبوع :time: بيجي حماي مع زوجته وهي إلي كانت حامل معانا وجابت ولد الله يحفظه لهم ويتربى بعزهم ،
أتمنى مايجي ببالكم إني حسدتهم ولا شي أنا الحمد لله عند بنتين قبل وان شاء الله ربي يعوضني عن بنتي إلي ماتت
وأنا والله أتمنى لهل المواليد إن الله يحفظهم لاهليهم يارب العباد ويحميهم من كل شر ويصلحهم ويهديهم يارب العباد وتعرفون بما أنهم حمولتي يعني باشوفهم دائما
أنا والله ماابي منكم إلا تدعولي بالثبات وما ابكي إذا شفت المواليد وادري إن الأرزاق مقسمة بس تعرفون قلب الأم وباقي محتفظة بملابس بنتي حتى إن زوجي قالي طلعيها للجمعية الخيرية وأنا متعلقة فيها طلعت شوي وخبيت الباقي عنه
تكفووون ادعولي إن الله يثبت قلبي ويبعد عني الحزن يارب اذا شفتهم ولو عن ظهر الغيب
ومشكورين اخواتي في الله
الله يعوضك
ماتنلامين حبيبتي
اجلي الزيارة لين ترتاح نفسيتك
الله يثبت قلبك ويبعد عنك الحزن